– Elbasy Nursultan Nazarbaev «qundylyqtar júıesinde bilim – kitap» degen bolatyn. Prezıdent Qasym-Jomart Kemeluly da Ulttyq qoǵamdyq senim keńesinde sóılegen sózinde kitaphanalarǵa, olardyń jaı-kúıine, kitaptardyń shyǵarylýyna kóńil bólip, basymdyq bergen edi. Búgingi kúni zaman talabyna qaraı kitaptar elektrondy nusqaǵa kóshti. Shyndyǵynda kitap oqý kórsetkishi burynǵydan tómendedi. Buryn úılerde sóre toly tom-tom kitap jınalyp turatyn. Qazir qazynamyz kóp úıden kórinbeıdi. Bir apta buryn qala turǵyndarynyń arasynda kitap oqý turǵysynda saýalnama júrgizildi. Nátıjesinde «qashan kitap oqydyń?» degen suraqqa saýalnamaǵa qatysýshylardyń 43 paıyzy «esimde joq» dep jaýap bergen, – deı kele Shyńǵys Muqan oqyrmanǵa artyq bilim kitapta ekenin jetkizdi.
Sondaı-aq festıvaldiń ashylý saltanatynda shymkenttik «Jebe» baspa úıiniń Elbasy N. Nazarbaevqa arnalǵan «Kemeńger. Dana. Kóshbasy» kitabynyń tanystyrylymy ótti. Elbasynyń synyptasy Roza Tilemisova, ardager jýrnalıst Baıdýlla Qonysbek Tuńǵysh Prezıdent kúniniń mańyzdylyǵyna toqtalyp, oı-pikirlerin ortaǵa saldy. Budan bólek, is-sharada Nur-Sultan, Almaty, Qaraǵandy jáne Shymkent qalalarynan baspa úıleri, kitap dúkenderi, qalalyq kitaphanalar oqyrmandarǵa jańa kitaptaryn usyndy.
Aıta keteıik, qala turǵyndary men qonaqtary Kórme ortalyǵynda 30 qarasha men 5 jeltoqsan aralyǵynda kitap álemine saıahat jasaı alady.
