«Qazaqstan Respýblıkasynyń Prezıdenti 2020 jyldy Volonterler jyly dep jarııalady. Osyǵan oraı «Jas sarbaz» elordalyq qozǵalysy «Astana jastary» KMM, Jastar saıasaty máseleleri jónindegi basqarmanyń, Qazaqstan Respýblıkasy Qarýly Kúshteriniń Ulttyq áskerı-patrıottyq ortalyǵynyń qoldaýymen 21 aqpanda «Jas sarbaz – meiirimdilik biriktiredi» jobasyn iske qosty. Oqýshylar úshin áskerı-qoldanbaly sport túrlerinde, shyǵarmashylyq, sporttyq jarystarda, áskerı-patrıottyq jattyǵý jıyndarynda, erlik sabaqtarynda júzge jýyq is-sharalar ótkizildi. Epıdemıologııalyq jaǵdaıǵa baılanysty birqatar kezdesýler, atap aıtqanda, Instagram áleýmettik jelisindegi áskerı-patrıottyq ánder baıqaýy, jeke kýálik qujattaryn 1000 jas sarbaz tárbıelenýshilerine onlaın formatta usyný onlaın formatta ótti. Sonymen qatar 3 kúnge sozylǵan áskerı-patrıottyq jıyn ótip, Aýǵan soǵysynyń ardagerlerimen, qoǵam qaıratkerlerimen kezdesýler jáne taǵy basqa sharalar qamtyldy», - dedi «Jas sarbaz» balalar men jasóspirimder áskerı-patrıottyq qozǵalysy respýblıkalyq qoǵamdyq birlestiginiń Nur-Sultan qalasy fılıaly tóraǵasy Ashat Nalshybek.
Joba aıasynda «Jas Sarbaz» tárbıelenýshileri ózderin shyǵarmashylyq jaǵynan tanytqany atap ótildi. Bıyl olardyń sany kóbeıip, jalpy orta bilim beretin memlekettik mekemelerdegi «Jas sarbaz» synyptary men úıirmeleriniń sany 200-ge jýyqtady.
Is-shara «Jas sarbaz» tárbıelenýshileri úshin Nur-Sultan qalasy ákimdiginiń «Astana jastary» KMM jáne Qazaqstan Respýblıkasy Qarýly Kúshteriniń Ulttyq áskerı-patrıottyq ortalyǵynyń qoldaýymen ótti.
