El chempıonatynyń sońǵy jarys kúninde 102, 109 jáne 109 kılodan joǵary salmaqtaǵy erler baq synady. 102 kıloda qaraǵandylyq Artem Antropov qos saıysta 373 (157+216) kılo salmaqty eńserip, jarys jeńimpazy atandy. Sondaı-aq ol serpe kóterýde Qazaqstan rekordyn jańartty. Buryn bul jattyǵý boıynsha eń úzdik kórsetkish Ilıa Ilınge tıesili bolatyn. Al ekinshi oryndy jýyrda ǵana Perýde ótken jastar arasyndaǵy onlaın Álem kýbogynda top jarǵan qyzylordalyq Rahat Bekbolat ıelendi. Ol 305 (135+170) kılo ziltemirdi baǵyndyrdy. Úzdik úshtikti 275 kılo kótergen taǵy bir qaraǵandylyq sportshy Alekseı Lıtovchenko (115+142) túıindedi.
Sondaı-aq 109 kıloda Andas Samarqanov (Almaty oblysy), +109 kıloda Ibragım Bersanov (Shymkent) Qazaqstan chempıony atandy. Erler arasyndaǵy jalpykomandalyq esepte Qaraǵandy, Almaty jáne Qyzylorda oblystary úzdik úshtikke endi. Áıelder arasynda Almaty oblysy kósh bastasa, Qyzylorda jáne Shyǵys Qazaqstan oblystary tıisinshe ekinshi, úshinshi oryndarǵa ıe boldy.
