Aıta keterligi, bul – SpaceX kompanııasynyń ǵaryshqa attandyrǵan 100-shi «sálemdemesi». Bıyl kompanııa 23 márte ǵaryshqa zymyran ushyryp úlgerdi. Sondaı-aq bul sapardyń taǵy bir ereksheligi mynada. SpaceX zymyran tasyǵyshty qaıta paıdalanýdy maqsat etip, osy baǵytta jumys istegeni esimizde. Kompanııa aqyry kózdegenine jetip, zymyran tasyǵyshty jerge aman-esen qondyrdy. Bul joly osyndaı tásil arqyly bir zymyran tasyǵysh 7-márte qoldanylyp otyr.
Fılantrop Ilon Mask jetekshilik etetin kompanııa aldaǵy birneshe jyl kóleminde jer-jahandy tegin ınternetpen qamtamasyz etpek. Bul maqsatqa qol jetkizý úshin SpaceX kompanııasy Starlink jobasy aıasynda 12 myń spýtnık ushyrýdy kózdep otyr. Osy jolǵy sapardan keıin ǵaryshtaǵy Starlink jer serikteriniń sany 955-ke jetti. Starlink jobasy aıasynda alǵash ret 2018 jyldyń 10 qyrkúıeginde spýtnık ushyrylǵan edi.
Ilon Mask jyl sońynda búkil Soltústik Amerıka qurlyǵy jańa jobanyń jemisin kóretinin aıtady. Jalpy, SpaceX kompanııasy Starlink jobasyn 2027 jylǵa deıin aıaqtaýdy kózdep otyr.
