Apat 30 qarashada saǵat 13 saǵat 30 mınýt shamasynda Petropavldan aýdan ortalyǵy Býlaevo selosyna aparatyn avtojolda bolǵan. Mitsubishi Pajero júrgizýshisi aldynda toqtap turǵan Volkswagen Transporter men VAZ 2115 avtokólikterin qatty soqqan. Al olar joldy kesip, ótip bara jatqan jabaıy janýarǵa jol berip tejelgen eken. Soǵylýdyń nátıjesinde eki kólik te trassadan ushyp ketken. Avtokóliktiń birindegi eki jolaýshy dene jaraqattaryn alǵan.
"JKO faktisi boıynsha ÁQtK 610-babymen materıal jınaldy. Sheshim qabyldaý úshin barlyq materıaldar Qyzyljar aýdanynyń sotyna tapsyrylatyn bolady", deıdi aýdandyq polısııa bóliminiń bastyǵy, polısııa polkovnıgi Álıhan Baıqadamov.
