Konserttik baǵdarlamanyń ashylýy GM-172/10 mekemesi bastyǵynyń orynbasary ádilet podpolkovnıgi Azat Orynbasarovtyń quttyqtaý sózimen bastaldy.
Merekelik is-sharaǵa sottalǵandar ózderiniń konserttik baǵdarlamasyn daıyndap, oǵan barlyq sottalǵandar belsendi qatysyp, "Aqıqat", "Maskúnem", "Elim meniń ańsaǵan", "Dısko ız 90-h", "Ana", "Úılenem" sııaqty óleńder oqylyp, ánder shyrqaldy. Sottalǵandar óz ónerlerin kórsetti, merekelik sýretter salyndy, sondaı-aq Qazaqstan Respýblıkasynyń Tuńǵysh Prezıdenti týraly suraqtar men vıktorınalar boldy. Is-sharanyń ortasynda Elbasy týraly beınematerıal kórsetildi. Sondaı-aq sottalǵandarǵa oıyn-saýyq oıyndary, KTK, kóńildi bıler men fleshmobtar uıymdastyryldy.
Atalǵan is-sharanyń maqsaty álemmen áleýmettik-paıdaly baılanystardy qoldaý, sottalǵandar arasynda moraldyq-psıhologııalyq ahýaldy qoldaý bolyp tabyldy.
