Árıne, oǵan esh tańdanýǵa bolmas. О́ıtkeni, qazirgi kezde Qazaqstannyń bylǵary qolǵap sheberleri arasynda jalǵyz Gennadıı Golovkın ǵana eń beldi nusqalar boıynsha álem chempıony ataǵyn ıelenýde. Ázirge ózge jigitterimiz ondaı tabystarymen maqtana almaıdy. GGG –niń sharshy alańǵa shyqpaǵanyna bir jyldan asa ýaqyt ótse de, odan bedeline esh nusqan kelgen joq. Esterińizge sala keteıik, sońǵy ret jerlesimiz 2019 jyldyń 5 qazanynda ýkraınalyq Sergeı Derevıanchenkodan basym túsken bolatyn. Endi ol 18 jeltoqsanda polshalyq Kamıl Shermetamen kúsh synasýǵa tıis. Barlyǵy 42 ret rıngke kóterligen GGG 40 jekpe-jekti óz paıdasyna sheshti. 35 qarsylasyn nokaýtqa jiberdi. Bir ret utylyp, bir básekede teń esep tirkeldi.
Al úzdikter tiziminde Gennadıı Golovkınnen keıingi satylarǵa Danııar Eleýsinov (10-0, 6 KO), Qanat Islam (27-0, 21 KO), Batyr Júkembaev (18-0, 14 KO), Álı Ahmedov (16-0, 12 KO), Jánibek Álimhanuly (9-0, 5 KO), Meıirim Nursultanov (13-0, 8 KO), Aıdos Erbosynuly (14-0, 9 KO), Sadrıddın Ahmedov (11-0, 10 KO) jáne Jan Kosobýskıı (14-0, 13 KO) syndy sańlaqtar jaıǵasty.
