Áskerı yntymaqtastyq baǵyttary talqylandy

Qorǵanys mınıstrleriniń keńesi áskerı saıasat, áskerı qu­rylys jáne áskerı-teh­nı­ka­lyq yntymaqtastyq sala­syn­daǵy О́zara is-qımyldy úılestirý máse­leleri jó­nindegi uıymnyń resmı jarǵylyq kon­sýl­tatıvtik jáne atqarýshy organy bolyp taby­lady.

Atalǵan keńeske Qazaqstan Res­­pýb­lı­ka­synyń atynan Qor­ǵa­nys mınıstri, general-leıtenant Nurlan Ermekbaev qatysty.

Qorǵanys vedomstvolarynyń basshylary áskerı qaýipsizdikke tónetin qaýip-qaterlerge qatysty pikir almasty, áskerı sheńberdegi UQShU qyzmetiniń basym ba­ǵyt­taryn kelisti.

Otyrys barysynda ma­te­rıal­dyq-teh­nı­­kalyq, me­dı­­sınalyq qamtamasyz etý, bitim­gershilik qyz­met, kadrlar daıar­ly­ǵyn, ǵy­lymı-zertteý jumystaryn jetildirý, sondaı-aq UQShU ujym­dyq kúsh­teriniń birlesken ja­ýyngerlik daıar­lyq is-shara­la­ryna qa­tysty birqatar má­se­le­ler qaraldy.

«Oqý-jattyǵý ssenarııine qazirgi qarý­ly qaqtyǵystardan alynǵan sabaq­tar­­dy qosý qajet dep sanaımyz. Biz qaýip-qa­­ter­ler­ge ujymdyq toıtarys berýge da­ıyn ekenimizdi kórsetip, jaýyngerlik is-qımyldardy júrgizýdiń jańa ádisteri men tásilderin pysyqtaýǵa tıispiz», dep atap ótti general-leıtenant Nurlan Ermekbaev.

Sonymen qatar taraptar 2021-2025 jyl­darǵa arnalǵan Uıym­­ǵa múshe memle­ket­­terdiń ás­­ke­rı yntymaqtastyqty da­my­tý jos­­paryn talqylady.