– Demalys úılerinde, sanatorıılerde, turaqty emdeý-profılaktıkalyq mekemelerinde, shalǵaıdaǵy jáne qatynasý qıyn aýdandarda ornalasqan azamattar turatyn mekenderde, alys mal sharýashylyǵy ýchaskelerinde, tergeý ızolıatorlary men ýaqytsha ustaý ızolıatorlarynda qurylǵan saılaý ýchaskeleri boıynsha saılaýshylardyń tizimine daýys berý kúni atalǵan mekemeler men uıymdarda bolatyn barlyq azamattar engiziledi.
– Áskerı bólimder boıynsha ásker bólimderindegi barlyq áskerı qyzmetshiler, sondaı-aq ásker bólimderi ornalasqan jerlerde turatyn olardyń otbasy músheleri men basqa saılaýshylar tizimge engiziledi. Áskerı bólimderden tys jerde turatyn áskerı qyzmetshiler tizimderge turǵylyqty jeri boıynsha jalpy negizderde engiziledi.
– Qazaqstan Respýblıkasynyń shet memleketterdegi ókildikteri janyndaǵy saılaý ýchaskeleri boıynsha shet memlekette turatyn nemese uzaq merzimdi sheteldik issaparda júrgen ári Respýblıkanyń jaramdy pasporty bar barlyq azamattar engiziledi. Shet memleketke jeke shaqyrý boıynsha, qyzmettik, iskerlik jáne týrıstik saparǵa kelgen Respýblıka azamattary ýchaskelik saılaý komıssııasyna ótinish jasaǵan jaǵdaıda jáne olardyń Qazaqstan Respýblıkasy azamaty degen jaramdy pasporty bolsa, saılaýshylar tizimine engiziledi.
– Azamattardyń ýaqytsha bolatyn oryndarynda qurylǵan saılaý ýchaskeleri boıynsha saılaýshylar tizimderi daýys beriletin kúnniń aldyndaǵy kúngi jaǵdaı boıynsha mindetti túrde naqtylanýǵa tıis.
