Elordanyń turǵyn úı qory baǵdarlamanyń sharttary týraly jıi qoıylatyn suraqtarǵa jaýap daıyndady.
1. Erli-zaıyptylardyń ekeýi de 29 jasqa tolmaǵan bolýy tıis pe nemese tek ótinish berýshi me?
- Tek ótinish berýshige.
2. Dekrettik demalysta júrgen úmitkerler qatysa ala ma?
- Iá, sońǵy 6 aıda 40 AEK artyq tabys bolǵan jaǵdaıda.
3. Jumysqa ornalasý resmı bolýy kerek pe?
- Baǵdarlamaǵa resmı túrde jumysqa ornalasqan jastar nemese jeke kásipkerlik qyzmetin júzege asyratyn jastar qatysa alady.
4. Joǵary nemese orta arnaýly bilimniń bolýy mindetti me?
- Joq, 11 jyldyq mektep attestatymen de bolady.
5. Aıyna 111 120 teńge (40 AEK) tabys qolyna bolýy kerek pe nemese jalaqy ma?
- Jalaqy. Mysaly, eger Sizde jalaqy 112 000 teńge bolsa, al qolyńyzǵa 90 000 teńge alsańyz, onda Siz ótesiz.
6. Zeınetaqy aýdarymdary mindetti me?
- Iá. IIM qyzmetkerleri men áskerı qyzmetshilerden basqa, biraq olar qatysý úshin turǵyn úı tólemderin almaıtyndyǵy týraly anyqtamany qosa tirkeýleri tıis.
7. 111 120 erli-zaıyptylardyń ekeýiniń de jıyntyq tabysynan shyǵýy múmkin be?
- Joq. Qujattardy beretin úmitkerde aı saıynǵy tabys keminde 40 (qyryq) aılyq eseptik kórsetkish mólsherinde bolýy tıis.
8. Erli-zaıyptylar qatysýǵa qujattaryn jeke-jeke tapsyra ala ma?
- Iá. Sondaı-aq, qatysýshylardy bir otbasynan irikteý kezinde eki úmitkerge turǵyn úı berilmeıtindigin eskerý qajet.
9. AÁK, múgedektigi boıynsha, asyraýshysynan aıyrylý boıynsha járdemaqy jáne t.b. tabysy úshin eseptele me?
- Memlekettik járdemaqylar, sondaı-aq ótinish berýshiniń tabysy bolyp tabylady jáne tólem qabilettiligin baǵalaý kezinde eskerilýi múmkin.
10. Osy baǵdarlama boıynsha turǵyn úı alǵannan keıin QTQJB arqyly «Nurly jer», «Baspana hıt» jáne «7-20-25» sııaqty basqa da baǵdarlamalarǵa qatysa alamyn ba?
- Satyp alý quqyǵynsyz jalǵa beriletin turǵyn úı 5 (bes) jyl merzimge beriledi. Osydan keıin Siz kez-kelgen turǵyn úı baǵdarlamalaryna qatysýǵa quqyǵyńyz bar.
11. Eger men áskerı qyzmetshi retinde turǵyn úı tólemderin alatyn bolsam, qatysa alamyn ba?
- Joq.
12. Nur-Sultan qalasynda eki jyldan astam turaqty tirkelý bar, biraq naqty úzilissiz tirkelý me nemese meni mekenjaıdan shyǵaryp jergen bolar, bilmeımin, ne isteý kerek?
-109 nómiri boıynsha koll-ortalyqqa júginip, ózińizdiń JSN aıtsańyz, operator kóshi-qon polısııasy bazasynan Sizdiń tirkelýińiz boıynsha derekterdi qarap beredi.
13. Jyljymaıtyn múlik satylǵannan beri ótýi tıis 5 jyl ma nemese 2 jyl ma?
- 2 jyl.
14. 2 jyldyq turaqty tirkeý tek ótinish berýshide bolýy kerek pe nemese otbasy músheleriniń barlyǵynda ma?
- Tek ótinish berýshide.
15. Eger úmitker barlyq talaptar boıynsha saı kelse, biraq resmı túrde basqa qalada jumys istegen jaǵdaıda, ol qujattardy tapsyra alady ma? (Mysaly, basqa qalada vahtalyq ádispen jumys isteý)
- Iá, múmkin. Eger Nur-Sultan qalasynda keminde 2 jyl turaqty tirkelýi bar bolsa.
16. Múliktiń joqtyǵy týraly anyqtama Nur-Sultan qalasy boıynsha nemese QR boıynsha bolýy tıis pe?
- QR boıynsha.
17. Eger ótinim berýshi ótinimdi 28 jasynda tapsyrsa, al 2 kúnnen keıin ol 29 jasqa tolatyn bolsa, onyń ótinishi qarastyrylady ma?
- Qujattardy tapsyrý sátinde jáne konkýrstyq rásimnen ótý sońyna deıin ótinish berýshige 29 jas bolmaýy tıis.
18. Úmitkerdiń jasy 29 jasqa deıin qosa alǵanda ma?
- Joq, qujattardy tapsyrý sátinde Sizge 29 jas bolmaýy tıis.
19. Eger men turmysqa shyqpaǵan bolsam (úılenbegen bolsam) jáne balalarym bolmasa, qatysa alamyn ba?
- Iá, qatysa alasyz.
20. Memlekettik qyzmette jumys isteý mindetti me?
- Joq, barlyq resmı jumysqa ornalasqan tulǵalar qatysa alady.
21. Depozıt tek QTQJB-de bolýy kerek pe nemese kez kelgen bankte bolady ma?
- Kez kelgen ekinshi deńgeıli bankte.
22. Men Nur-Sultan qalasynda turǵyn úı kezeginde turmyn, eger osy baǵdarlama boıynsha ótip jáne ýaqytsha páter alsam, meni kezekten shyǵaryp tastaıdy ma?
- Iá, turǵyn úı kezeginen shyǵarady.
23. Qajetti qujattar tizbesine sáıkes ótinish berýshi banktik shot boıynsha aqshanyń qaldyǵy jáne qozǵalysy týraly úzindi kóshirmeni usynýy tıis. Banktegi shot qandaı bolýy kerek? (aǵymdaǵy, eseptik, kredıttik, depozıttik, qysqa merzimdi, valıýtalyq, kartochkalyq, bankaralyq, arnaıy)
- Atalǵan shottardyń kez kelgeni, biraq baldar tek depozıttik shot boıynsha esepteletin bolady..
24. Qandaı naqty qujattar ártúrli salalardaǵy jeke jetistikter bolyp sanalady? (gramota, sertıfıkat, alǵys hat, medal, kýbok)
- Bul baǵdarlama «Jumys isteıtin jastar» arnalǵan bolǵandyqtan ótinish berýshiniń ártúrli qyzmet salalaryndaǵy jeke jetistikterin rastaıtyn qujattar boıynsha kásibı saladaǵy jetistikterdi eskerý qajet.Mysaly, jumys berýshiden gramotalar, marapattar men alǵys hattar.
25. Túrli salalar degen neni bildiredi? Mysaly, eger ótinish berýshi veterınar bolyp jumys istese jáne onyń kondıterlik ónimderdi daıyndaý boıynsha jeńip shyqqan konkýrs týraly gramotasy bar bolsa, bul ár túrli salalarda jetistik dep sanala ma nemese óz mamandyǵy sheńberinde ǵana bolýy tıis pe?
- О́tinish berýshiniń mamandyǵy sheńberinde alǵys hattar nemese gramotalar túrindegi jetistikterdi eskerý qajet. Eger gramotany alý kezinde úmitker kondıter bolyp jumys istese, onda balldy esepteý qajet.
26. Mysaly, eger ótinish berýshide bir jyl ishinde 3-4 gramota bar bolsa, 2 baldan eseptelinedi me nemese shekteýler bar ma?
- Joq. Gramotalardyń sanyna qaramastan 2 ball esepteledi.
27. Eger ótinish berýshi qazirgi ýaqytta memlekettik qyzmetshi bolyp tabylmasa, memlekettik mekemeler men kásiporyndardaǵy eńbek ótili esepke alynady ma?
- Iá, esepke alynady. Sonymen qatar, konkýrsqa qatysý kezinde ótinish berýshi Qaǵıdalarda kórsetilgen talaptarǵa saı kelýi qajet.
28. О́tinish berýshiniń joǵary bilim berý mamandyǵy boıynsha «Qoldanbaly geologııa», onyń mamandyǵy 100 suranysqa ıe mamandyq tizimine kiredi, biraq bul mamandyq boıynsha eńbek qyzmetin júzege asyrmaıtyn bolsa, oǵan 10 ball esepteldi me?
- Joq. О́tinish berýshige qajetti 100 mamandyq tizimine kiretin mamandyqtyń kásibı qyzmetin júzege asyrý kezinde ball beriledi.
29. Osy baǵdarlama boıynsha páterler qaıda ornalasqan?
- Baǵdarlama boıynsha ótinimderdi qabyldaý týraly habarlandyrý kezinde páterlerdiń ornalasqan jeri týraly qosymsha habarlanatyn bolady.
30. Sizder nesıe tarıhyna qaraısyz ba, mende nesıe boıynsha keshiktirýler bar ma?
- Joq, nesıe tarıhyn qarastyrmaımyz.
31. Jazda eńbek demalysynda boldym, sodan bir aıda tabys 40 AEK-ten az, ne isteý kerek?
- Sizdiń tabysyńyz azaıtylǵan aıǵa sebebin kórsetý boıynsha eńbek demalysy nemese eńbekke ýaqytsha jaramsyzdyq týraly buıryqty qosymsha tirkeý qajet
32. TJ kezinde tabysynan aıyrylyp, jalaqysy saqtalmaıtyn demalysqa jiberildim jáne t.b., meniń ótinishimdi qarastyrady ma?
- Eger Siz Nur-Sultan qalasynda TJ kezinde 42500 teńge alǵan bolsańyz jáne ol aıaqtalǵannan keıin qashyqtan jumys nysanynda bolsańyz, sonyń saldarynan Sizdiń kiristerińiz tómendegen bolsa, bul ózgerister Sizdiń ótinishińizdi qarastyrý kezinde eskeriletin bolady. Siz jumys ornynan kezeńdi kórsete otyryp, qashyqtyqtan jumys nysanynda bolǵanyńyz týraly anyqtamany qosymsha qosa berýińiz qajet.
33. Eger men osy baǵdarlama boıynsha páter alsam, ony jalǵa alýshylarǵa jalǵa bere alamyn ba?
- Joq. Osy baǵdarlama boıynsha páter bergen kezde, biz Sizben jaldaý shartyn jasasamyz, onda kelisim-shart buzylatyn jaǵdaıda kórsetiledi:
1. Turǵyn úıdi jaldaý shartynda kórsetilmegen adamdardyń turýy, páterdi úshinshi tulǵalarǵa jalǵa berý;
2. Dáleldi sebepsiz 6 aıdan artyq jaldaý aqysyn tólemeý;
3. Menshik quqyǵymen múlikti satyp alý;
