Aımaqtar • 03 Jeltoqsan, 2020

Qyzylordada zaýyttan qymbat volfram qurylǵylaryn urlaǵan azamat sottaldy

260 ret

kórsetildi

1 mın

oqý úshin

Qyzylorda oblysynyń turǵyny sot úkimimen bótenniń múlkin iri mólsherde urlaǵany úshin kináli dep tanylyp, oǵan 3 jyl bas bostandyǵyn shekteý jazasy taǵaıyndaldy, dep habarlaıdy Egemen.kz.

Murat JETPISBAEV

Qyzylordada zaýyttan qymbat volfram qurylǵylaryn urlaǵan azamat sottaldy

Ol ótken jyldyń tamyz aıynda Qyzylorda qalasyndaǵy zaýyttardyń birinen jalpy quny 3 mln 100 myń teńge turatyn 11 dana volfram ózekterin urlap, oqıǵa bolǵan jerden izin sýytqan.

Bul derek boıynsha Qazaqstan Respýblıkasy Qylmystyq kodeksiniń 188-babynyń 3-bóligi 1-tarmaǵymen sotqa deıingi tergep-tekserý amaldary júrgizildi.

Polısııa qyzmetkerleri júrgizgen jedel-izdestirý jumystarynyń nátıjesinde anyqtalǵan kúdikti sotqa deıingi tergep-tekserý kezinde jasaǵan qylmystyq áreketin moıyndamaǵan. Degenmen Qyzylorda qalalyq polısııa basqarmasynyń aǵa tergeýshisi polısııa aǵa leıtenanty Nurjan О́mirzaqtyń kásibı biliktiligi men taǵaıyndalǵan sot-saraptamalarynyń qorytyndylary kúdiktiniń qylmystyq is-áreketin tolyǵymen dáleldedi.

Osylaısha, qymbat volfram ózekterin urlaǵan kúdikti zańǵa sáıkes jazasyn aldy.