«Nıkıta Ysqaqov atyndaǵy Semıbýgoren orta mektebi» mýnısıpaldy qazynalyq jalpy bilim berý mekemesi qazaq tiline arnap jeke kabınet bóldi. Ol kabınette qazaqtyń ulttyq mádenıeti, óneri, ádebıeti, turmystyq buıymdarymen tanysýǵa bolady. Kabınet Otandastar qorynan televızor, beınekamera, noýtbýktar tárizdi qundy syılyqtar jetkizilgennen soń ashylady. Mektep dırektory Rımma Ibragımova qandastarǵa qamqorlyǵy úshin Qor men Dúnıejúzi qazaqtarynyń qaýymdastyǵyna alǵys aıtty.
Ekinshi onlaın-synyp Volodar aýdany Kalının aýylynda ashylady. Akademık Erejep Mámbetqazıev atyndaǵy Kalının orta mektebiniń dırektory Arman Nurlıevtyń aıtýynsha qazaq tili kabıneti Qor syılaǵan eń zamanaýı jabdyqtarmen jabdyqtalady.
Astrahan oblysynda resmı derek boıynsha ómir súretin 160 myń etnıkalyq qazaqtyń basym bóligi aýyldyq jerlerde turady. Máselen, Kalının aýyly turǵyndarynyń 99,9 paıyzy qazaq. Olar ulttyq salt-dástúrdi saqtaý úshin barlyq múmkindikti paıdalanýda. Qordyń atalǵan aýyl mektebinde qazaq tili kabınetin ashýy shet eldegi qandastarymyzdy tarıhı otanymen burynǵydan da jaqyndastyrady.
