"Turǵyndardyń densaýlyǵyn qorǵaý maqsatynda kóptegen sharalardy qarastyryp otyrmyz. Atap aıtar bolsaq, qalada jalpy qýattylyǵy kúnine 3550 testke jetetin 9 PTR zerthananyń jumysyn jolǵa qoıdyq. Jedel járdem 100 avtokóligimen tolyǵyp, qýattylyǵy táýligine 3 500-ge jetetin call-center iske qosyldy. Osy jyly 6,4 mlrd teńgege 7 medısına mekemeleriniń ǵımarattaryna kúrdeli jóndeý jumystary júrgizildi. Al materıaldyq-tehnıkalyq jabdyqtaýǵa 6 mlrd 600 mln teńge bólindi", - dedi M.Áıtenov.
Búginde Shymkentte 19 kompıýterlik tomografııa apparaty jumys istep tur. Jyl basynda qalada 310 IVL apparaty bolsa, qazir olardyń 612-ge jetti. 3 ottegi stansııasy ornatyldy. Budan bólek arnalǵan suıyq ottegige 9 rezervýar ornatý jumysy júrgizilip otyr.
Sonymen qatar búgingi kúni qalanyń dárihanalarynda koronavırýsty emdeý úshin 1,7 mlrd teńge kóleminde dári-dármek qory jasaqtaldy.
