«Janjalqoılar men shýly otyrysty jaqsy kóretinder jumystan sharshap kelgen adamdardyń, balalar men zeınetkerlerdiń jaıyn oılamaıdy, olardyń uıyqtap, tynyǵýlaryna kedergi keltiredi, — deıdi SQO PD Jergilikti polısııa qyzmeti basqarmasynyń aǵa ınspektory, polısııa maıory Denıs Sherstobıtov.
Este saqtaǵan jón: jumys kúnderi saǵat 22-den tańǵy 9-ǵa deıin, demalys jáne mereke kúnderi saǵat 23-ten tańǵy 10-ǵa deıin tynyshtyqty buzý, onyń ishinde turǵynjaıda jáne onyń syrtynda shuǵyl qajettilikpen baılanysy joq shý shyǵaratyn jumystardy júrgizýge tyıym salynady. Buzýshy jeke tulǵalarǵa – bes aılyq eseptik kórsetkish mólsherinde, zańdy tulǵalarǵa 20-dan 100 aılyq eseptik kórsetkish mólsherindegi aıyppul salynady. Sonymen qatar, adamdardyń kóp jınalýy karantındik shekteýlerdi buzý bolyp tabylady.
Jyl basynan beri oblys polıseıleri «Tynyshtyqty buzý» boıynsha 2393 hattama toltyrdy. Onyń 1996 faktisi Petropavl qalasyna tıesili.
