Boks zalynyń zamanaýı sport quraldarymen jabdyqtalǵan jattyǵý zaly, jarys alańy bar.
Aımaq basshysy jańa nysannyń oblys sportshylaryn daıarlaýdaǵy jáne balalar men jasóspirimder sportyn damytýdaǵy mańyzyn atap ótti.
«Bokstan mamandandyrylǵan zaldyń ashylýy sportshylardy daıyndaýǵa qosymsha múmkindik beredi, munda 200-den astam bala men jasóspirim jattyǵatyn bolady», dedi Arhımed Muhambetov.
Saltanatty jıynǵa áıelder arasynda bokstan jaqynda aıaqtalǵan el chempıonatynyń jeńimpazdary men júldegerleri Nadejda Rıabes, Vladıslav Kýhta jáne Janna Serıkova syndy bylǵary qolǵap sheberleri de qatysty.
Aımaq basshysy Nadejda Rıabeske Qostanaı qalasynan 2 bólmeli páterdiń sertıfıkatyn ustatyp, qalǵan sportshylarǵa eskertkish syılyqtar tabys etti. Bıyl naýryz aıynda Nadejda Rıabes Japonııada ótetin Olımpıada oıyndaryna lısenzııa jeńip alǵanyn esterińizge sala keteıik. Ol Tokıo tórinde áıelder boksynan el namysyn qorǵaıtyn bolady.
Taǵy bir jaǵymdy jańalyq, jaqynda oblys ortalyǵynda shańǵy bazasy iske qosylady, al kelesi jyly 2500 oryndyq Muz saraıy men 50 metrlik júzý basseıni paıdalanýǵa beriledi.
