Keshen qurylysy 2018 jyldyń naýryz aıynda bastalǵan. Ony «Bekbolatovtar qurylys kompanııasy» AQ júrgizdi.
«Osyndaı joba Inderbor kentinde de júzege asyrylyp, kárizdik qubyrlar men sorǵy stansalary paıdalanýǵa berildi. Sondaı-aq Aqqystaý kentinde qýaty táýligine 2300 tekshe metrlik kárizdik-tazartý ǵımaratynyń, aýylishilik káriz qubyrlary men sorǵy stansalarynyń qurylysy júrgizilip jatyr. Atalǵan jobalar iske qosylǵanda ekologııalyq ahýal men aýanyń tazarýyna septigin tıgizedi» deıdi oblystyq qurylys basqarmasynyń bólim basshysy Nurlybek Saqparov.
Onyń aıtýynsha, Atyraý qalasynyń sol jaq bóliginde táýligine 70000 tekshe metr kárizdik-tazartý ǵımaratynyń qurylysy salynyp jatyr. Bul joba jyl sońynda aıaqtalady. Ony 2021 jyldyń birinshi jarty jartysynda iske qosý josparlanyp otyr.
