«Ksell» AQ Kcell jáne activ abonentterine Internetke qoljetimdiligi bar derbes qurylǵylarǵa «Qaýipsizdik sertıfıkatyn» ornatý qajettiligi týraly habarlaıdy.
Derbes jáne eseptik derekterdiń, sondaı-aq qazaqstandyqtardyń banktik shottarynan aqshanyń urlaný jaǵdaılarynyń jıilep ketýine baılanysty, aqparattyq keńistikti hakerlerden, ınternet-alaıaqtardan jáne túrli kıberqaýipterden qorǵaýdyń tıimdi quraly bolatyn qaýipsizdik sertıfıkatyn engizdi.
Qaýipsizdik sertıfıkatyn engizý aqparattyq júıeler men derekterdi qorǵaýǵa, sondaı-aq elimizdiń aqparattyq keńistigi júıesine, jeke, sonyń ishinde banktik sektorǵa ınternet-alaıaqtardyń hakerlik, kıbershabýyldaryn zııan keltirgenge deıin anyqtaýǵa kómektesedi.
Qaýipsizdik sertıfıkaty — bul shıfrlaýdy qoldaıtyn hattamalardy qamtıtyn trafıkti ótkizý úshin qoldanylatyn elektrondyq sıfrlyq sımvoldardyń jıyntyǵy. Osylaısha, ol Internet jelisiniń qazaqstandyq paıdalanýshylaryn hakerlik shabýyldardan jáne zańǵa qaıshy kontentti kórýden qorǵaýǵa múmkindik beredi.
Zańnamanyń talaptaryna sáıkes baılanys operatorlary baılanys qyzmetterin kórsetýge shart jasasqan abonentteri arasynda qaýipsizdik sertıfıkatyn taratýdy qamtamasyz etedi.
"Qaýipsizdik sertıfıkatyn ornatý Internetke kirý úshin qoldanylatyn árbir qurylǵydan (iOS/Android negizindegi mobıldi telefondar jáne planshetter, Windows / MacOS negizindegi derbes kompıýterler jáne noýtbýkter) oryndalýy qajet ekenine nazaryńyzdy aýdaramyz. Abonenttik qurylǵylarda qaýipsizdik sertıfıkaty bolmaǵan jaǵdaıda, jekelegen ınternet-resýrstarǵa qol jetkizýde tehnıkalyq shekteýler týyndaýy múmkin", dep habarlady «Ksell».
Qaýipsizdik sertıfıkattaryn júkteý siltemeleri:
Eske sala keteıik, Sıfrlyq damý, ınnovasııalar jáne aeroǵarysh ónerkásibi mınıstrligi Ulttyq qaýipsizdik komıtetimen birge búginnen bastap elordada "Kıber-qaýipsizdik Nur-Sultan-2020" oqý-jattyǵýyn ótkizedi.
