USYNYQTY ETSEŃ, SÝ DA ULTTYQ MAQTANYSh

Grýzııa Premer-mınıstri Nıkoloz Gılaýrıdiń Qazaq­stanǵa jýyrdaǵy sapary jemissiz bolmaıtyn syńaı­ly. Eki el kásipkerleri arasynda ekonomıkalyq qarym-qatynas­tardy ári qaraı damytýǵa qyzyǵýshylyq bary baıqalady. Almatyda osy bastama­lar­ǵa qatysty ótken baspasóz máslı­hatynda Grýzııanyń Qazaq­standaǵy elshisi, sondaı-aq eki eldiń isker top ókilderi elder ara­syndaǵy eksport­ty arttyrý­dyń aldaǵy baǵyttary týraly málimet berip ótti. Grýzııa­­nyń Qazaqstan­daǵy elshisi Paata Kalandadze eki eldiń qarym-qaty­nasy óte sátti damyp kele jatqa­nyn naqty máli­­met­­ter­men atap, Qazaq­stan Grý­zııa­nyń negizgi ekono­mıkalyq árip­testeriniń birine aına­lyp otyr, dedi. Sońǵy úsh jylda qazaq bız­nesi Grýzııada tikeleı ınves­tısııa kólemi jóninen aldyńǵy shepke shyqty. Eki jaqty ekonomıkalyq yn­ty­maq­tastyqtyń naqty mysaly­na qurylǵan baspasóz máslıhatyn ótkizýge Qazaqstannyń Alkogol­siz sýsyndar qaýymdastyǵy men “IDS Borjomı-Grýzııa” kompa­nııa­sy muryndyq boldy. – Grýzııa taýarlary, ásirese, sýsyndary qazaqstandyq tutyný­shy­lardyń suranysyna ıe. Atap aıtqanda, grýzınniń bıylǵy jyly óndirisine 120 jyl tolatyn “Bor­jomı” arasan sýy Qa­zaq­stan­da turaqty saýda ósimi­ne qol jetkizip keledi, – dedi Alko­gol­­siz sýsyn­dar qaýymdas­ty­ǵy­nyń atqarýshy dırektory Álııa Ábdirahmetova. “Borjomı” saýda markasynyń qojaıyny “IDS Borjomı-Grý­zııa” kompanııasynyń bas dırek­tory Zaza Kıkvadzeniń aıtýynsha, daǵ­darysqa qaramastan Qazaq­standa “Borjomı” arasan sýynyń saýdasy júrip tur. “Qazirgi tańda “Borjomı” sýy Qazaqstanda shetel­dik arasan sýsyndar ishin­de eń kóp taraldy, ol rynokta 80 paıyz­dan astam kórsetkishke ıe. Biz úshin “Borjomı” – rynokta úlken sura­nysqa ıe ónim ǵana emes, sonymen birge búkil álemge tany­mal jáne ýaqyt synynan ótken sý retinde ulttyń maqtanyshy. Biz árbir qutyǵa arasan sýdy Borjomı alqabyn­daǵy bulaq kózinen tikeleı quıamyz jáne ony Qazaqstandaǵy tutynýshyǵa erekshe iltıpatpen usy­namyz, – deıdi Kıkvadze myr­za. – Grýzııa “Borjo­mı” sýy talǵa­my kúshti qazaq­standyq tuty­ný­shynyń suranysyna ıe bolǵanymen maqtana alady”. Elimizdegi “Borjomı” sýynyń resmı dıstrıbıýteri “Food Trade House” JShS kompanııasynyń dı­rek­tory Nurjan Qoja­mura­tov­tyń aıtýynsha, ótken jyly Qazaq­standa arasan sýlar ryn­ogy 250 mıllıon lıtrdi qura­ǵan, bul 2008 jyl­ǵy kórsetkishten 11 paıyz tó­men. Biraq, arasan sýdy tutyný kór­setkishi tús­ken­digine qaramastan, “Bor­jomı” bren­di eldiń barlyq aımaqtarynda saýdasy turaqty túrde ósip otyr. Grýzııanyń joǵary sapa­ly arasan sýynyń dárý­mendik qa­sıetteri jaıly Qazaq taǵamtaný aka­demııa­synyń vıse-prezıdenti, pro­fes­sor Iýrıı Sınıav­skıı de aıtyp berdi. Sonaý 1890 jyly Borjomı qalasynda alǵashqy “Borjomı” sýyn daıyndap shyǵarǵan arasan sýlar zaýyty jumys isteı bastaǵan. Alǵashqy quıma zaýyty mıneraldy sýlar saıaba­ǵynda orna­lasyp, oǵan Romanov­tar áýleti qo­ja­lyq etken. 1900 jyly bor­jo­mılik arasan sý óndirisi jyly­na 1 mıllıon shólmek­ten asyp jy­ǵylady. Sodan beri sý dúnıeniń tórt buryshyna tanymal bolyp, qazir ol álemniń 30 eline eks­port­talady. Jaqynda “Bor­jo­mı” Ulybrıtanııa, Túrkııa rynogy­na shyǵarylǵan. Sol sııaqty, bıyl Taıaý Shyǵys elderine eksporttaý ulǵaıtylady dep josparlanyp otyr. Bizdiń elimiz bul sýdy 60 jyl­dan beri iship keledi. Táýelsiz Qazaq­stanǵa “Borjomı” resmı túrde 1999 jyldan beri eksport­talýda. Ǵalymdardyń zamanaýı zert­teýlerine kóz salsańyz, adam kúnine shamamen úsh lıtr suıyq­tyq ishýi kerektigi aıtylady. Sonyń kóp bóligin aýyz sý quraıdy. Qazaqtanda aýyz sý jáne arasan sýlardy qoldaný kórset­kishi jylyna jan basyna shaqqanda 30 lıtrden aspaıdy. Al Italııa turǵyndary jy­lyna shamamen 116 lıtr aýyz sý tutynady eken. Aınash ESALI.