Onlaın-kezdesýde ázerbaıjandyq jáne qazaqstandyq volonterlik uıymdardyń ókilderi, ÁVUO tóraǵasy Tural Gýmbatov jáne «Ulttyq volonterlik jeli» atqarýshy dırektory Tatıana Mıronıýk sóz sóıledi.
«Bizdiń Ázerbaıjanda da osy jyl Volonterler jyly dep belgilendi. Elimiz úshin kóp nárseler istep jatqanymyzǵa qýanyshtymyz. Qolymyzdan kelgenniń bárin jasaýdy toqtatpaımyz. Biz Qazaqstannan jáne búkil álemnen volonterlerdi shaqyramyz», dedi Ázerbaıjan volonterlik uıymdary odaǵynyń tóraǵasy.
О́z kezeginde Tatıana Mıronıýk eki el arasyndaǵy yntymaqtastyqty damytýǵa óz senimin bildirdi: «Volonterlik árqashan júrekten ótedi. Bizdiń barlyq kúsh-jigerimiz ben oıymyzdy volonterlik qyzmet sııaqty keremet arnaǵa biriktirgenimiz óte jaqsy».
Konferensııaǵa eki eldiń volonterleri de qatysty. Olar óz qyzmeti týraly aıtyp, jeke tájirıbelerimen bólisti. Volonterler ekologııalyq, áleýmettik, bilim berýdegi jáne Formýla-1 sııaqty iri is-sharalardaǵy volonterliktiń keń spektrin usyndy.
Kezdesý barysynda volonterler baılanysty qoldaý úshin jeke aqparattarymen almasty, tipti ortaq jobalardy qurýǵa jáne olarǵa qatysýǵa tikeleı qyzyǵýshylyq tanytty. Is-shara uıymdar arasynda eki jaqty memorandýmǵa qol qoıýmen aıaqtaldy.
