Búginde Almatydaǵy qylmys deńgeıi tómendegen. Atap aıtqanda, qylmystar sany 47,5%-dy azaıǵan, al qylmystardy ashý 11,6%-ǵa (29,2% -dan 40,8%-ǵa deıin) ósken.
Ákimniń sózinshe, mundaı nátıjege qol jetkizýge kelesi keshendi sharalar yqpal etken:
Polısııanyń materıaldy-tehnıkalyq jabdyqtalýy 87%-ǵa jetkizildi, bul – memleket boıynsha eń joǵarǵy kórsetkish. Jaqyn arada polısııaǵa 429 planshet tabystalady, kelesi jyly 33 jańa kólik alý josparlanǵan.
Beınemonıtorıng júıesi engizilýde. A.j. basynan bastap 404 «Sergek» apparattyq-baǵdarlamalyq kesheni iske qosyldy, onyń 21-i Almatyǵa kirý jáne shyǵý joldarynda ornatylǵan.
A.j. 10 aıy ishinde «Sergek» ABK 650 myńnan astam jol erejesin buzý faktilerin tirkedi. 4,5 mlrd-tan astam teńgege aıyppul salynyp, 2,6 mlrd nemese 57,7% óndirildi.
Modýldik polısııa pýnktilerin ornatý jobasy ózin aqtady. Buǵan dálel – pýnktiler ornalasqan aýdandardaǵy qylmys deńgeıiniń tómendeýi. Sonymen qatar, bul týraly jergilikti turǵyndar da aıtýda. О́tken jyly qylmys deńgeıi joǵary aımaqtarda 37 modýldik polısııa pýnkti ornalastyrylyp, jyl basynan beri shamamen 40 myń aryz kelip tústi.
Qoǵamdyq qaýipsizdikti qamtamasyz etý úshin kúndelikti 2 myńnan astam polısııa qyzmetkeri men QR IIMUlttyq gvardııasynyń áskerı qyzmetkerleri jumyldyrylady. Olar 550 baǵyt boıynsha jumys jasaıdy, onyń ishinde 300 kólik jáne 250 jaıaý baǵyt.
Ashyqtylyqty qamtamasyz etý úshin qalanyń barlyq aýdandarynda 11 polısııa front-keńsesi jumys jasaıdy. Bul jerde halyqqa «bir tereze» qaǵıdasy boıynsha qyzmet kórsetiledi.
