Qazaqstan Halyq partııasynyń tizimin tirkeý boıynsha baıandama jasaǵan OSK múshesi Asylbek Smaǵulov partııa qujattaryn 29 qarashada tapsyrǵanyn málimdedi. Tizimge 114 kandıdat kirgen. Bul rette Ortalyq saılaý komıssııasyna azamat G.Qaıyrjanovtyń óz kandıdatýrasyn partııalyq tizimnen qaıtaryp alý týraly ótinishi kelip tústi. «Qazaqstan Respýblıkasyndaǵy saılaý týraly» Konstıtýsııalyq zańnyń 90-babyna sáıkes partııalyq tizimge engizilgen adam Ortalyq saılaý komıssııasyna bul týraly jazbasha ótinish bere otyryp, óziniń kandıdatýrasyn partııalyq tizimnen keri qaıtaryp ala alady. Mundaı jaǵdaılarda OSK partııalyq tizimge engizilgen adamdy shyǵaryp tastaý týraly sheshim qabyldaıdy. Osylaısha Qazaqstan Halyq partııasynyń tiziminde 113 adam bar. Onyń ishinde 41-i áıel jáne 29 jasqa tolmaǵan úmitkerler, olar tizimge engizilgenderdiń jalpy sanynyń 36,2 paıyzyn quraıdy.
«Qazaqstan Halyq partııasy» qoǵamdyq birlestiginiń Májilis depýtaty bolyp saılaný úshin partııalyq tizimge engizgen adamdarynyń Konstıtýsııa men saılaý týraly zań talaptaryna sáıkestigine ýákiletti organdar usynǵan málimetter negizinde Ortalyq saılaý komıssııasy tekserý júrgizip, barlyq talaptarǵa saı ekenin anyqtady. Osyǵan baılanysty, OSK músheleri «Qazaqstan Respýblıkasy Parlamenti Májilisi depýtattarynyń saılaýynda «Qazaqstan Halyq partııasy» qoǵamdyq birlestiginiń partııalyq tizimin tirkeý týraly» qaýly qabyldady.
Otyrystyń ekinshi máselesi boıynsha OSK múshesi Anastasııa Shegorsova baıandama jasady. Ol 2020 jylǵy 22 qazanda saılaýdy halyqaralyq baqylaý ınstıtýty ashylǵan sátten beri Qazaqstan Respýblıkasy Ortalyq saılaý komıssııasynyń 2 otyrysy ótkizilip, 39 baıqaýshy akkredıttelgenin habarlady. Onyń ishinde TMD Parlamentaralyq Assambleıasynan 29 baıqaýshy, TMD Baıqaýshylar mıssııasy quramynan 6 baıqaýshy, Islam yntymaqtastyǵy uıymynan
4 baıqaýshy tirkelgen.
Akkredıtteýge usynystardyń kelip túsýine qaraı baıqaýshylar boıynsha derekter únemi jańartylyp otyrady. Máselen, 2020 jylǵy 7 jeltoqsandaǵy jaǵdaı boıynsha Ortalyq saılaý komıssııasyna Syrtqy ister mınıstrliginen akkredıtteýge EQYU DIAQB-dan 12 baıqaýshynyń jáne 5 shet memleketten 11 baıqaýshynyń kandıdatýralary usynyldy.
Onyń ishinde Iordanııa memleketinen 3 baıqaýshy, Qyrǵyz Respýblıkasynan, Maldıv Respýblıkasynan, Moldova Respýblıkasynan, Túrik Respýblıkasynan 2 baıqaýshydan bar.
Osylaısha 2020 jyldyń 7 jeltoqsanyna deıin barlyǵy 62 halyqaralyq baıqaýshy akkredıtteldi. Saılaý týraly Konstıtýsııalyq zańǵa sáıkes shet memleketter men halyqaralyq uıymdardyń baıqaýshylaryn akkredıtteý daýys berý kúnine bes kún qalǵanda jergilikti ýaqyt boıynsha saǵat 18.00-de, ıaǵnı 2021 jyldyń 4 qańtarynda saǵat 18.00-de aıaqtalady.
Otyrysqa saıası partııalardyń, Bas prokýratýranyń, Ádilet, Ishki ister jáne Qarjy mınıstrlikteriniń ókilderi, aýmaqtyq saılaý komıssııalary, BAQ ókilderi qatysty.
