Saltanatty rásimnen keıin qazakstandyq dıplomattyń halyqaralyq uıymnyń basshysymen ekijaqty kezdesýi ótti. Kezdesý barysynda hımııalyq qaýipsizdik salasyndaǵy odan ári yntymaqtastyq máseleleri talqylandy.
Taraptar álemdegi hımııalyq qarýdyń barlyq túrlerin joıý boıynsha sharalar qabyldaýdyń mańyzdylyǵy týraly aıtty.
Osy turǵyda Qazaqstan Respýblıkasynyń ókili Qazaqstan HQTU qaǵıdattaryn tolyq ustanatynyn jáne hımııalyq qarýǵa tyıym salý týraly konvensııany tolyǵymen saqtaıtynyn habarlady. О́z kezeginde F.Arıas Qazaqstan Respýblıkasynyń HQTU damýyna qosqan úlesin jáne Uıymnyń Hımııalyq-tehnologııalyq ortalyǵyn salý jobasyn qoldaýyna joǵary baǵa berdi. Suhbattasýshylar Qazaqstannyń jahandyq ıadrolyq qarýsyzdaný salasyndaǵy jetistikteri taqyrybyna da toqtaldy. Qazaqstannyń Turaqty ókili óz sózinde elimiz ıadrolyq polıgondy birinshi bolyp jaýyp, qoldanystaǵy ıadrolyq qarýdan óz erkimen bas tartqanyn atap ótti. Sonymen qatar, ókil 2021 jyly Semeıde ornalasqan álemdegi eń iri ıadrolyq synaq polıgonynyń jabylǵanyna 30 jyl tolatynyn aıtyp, bul Tuńǵysh Prezıdent – Elbasy Nursultan Nazarbaevtyń qaýipsiz jáne ornyqty álemniń qalyptasýyna erekshe úles qosqan tarıhı sheshimi - dedi.
