Qatty borannyń saldarynan joldy qar basyp, kólikter qozǵalysty jalǵastyra almady. Saǵat 21.09-da Aqshı aýylyndaǵy Jedel-qutqarý jasaǵy qyzmetkerleriniń kúshimen atalǵan avtokólikter joldyń tazartylǵan júris bóligine súırep shyǵaryldy jáne olar ári qaraı óz júrisimen qozǵalystaryn jalǵastyrdy.
Saǵat 13.14-te «Úsharal-Dostyq» avtojolynyń 45-shi shaqyrymynda Jalańashkól ýchaskesinde DAF markaly júk kóligi qar qursaýynda qalyp qoıdy. Saǵat 22.22-de Dostyq st. 20-О́SB qyzmetkerleri atalǵan avtokólikten 2 adamdy evakýasııalap, Dostyq stansııasyna jetkizdi.
Saǵat 22.22-de «Almaty – О́skemen»- Qapal Arasan shıpajaıy» avtojolynyń 35 shaqyrymynda jeńil avtokólik qar qursaýynda qalyp qoıdy. Salonda jalǵyz júrgizýshi ǵana boldy. Taldyqorǵan q. JQJ qutqarýshylary shaqyrtý ornyna kelgen boıda atalǵan avtokólikte benzın taýsylǵanyn anyqtady. Saǵat 23.58-de qutqarýshylar júrgizýshini Taldyqorǵan qalasyna evakýasııalady.
Qutqarylǵandardyń barlyǵy medısınalyq kómekke muqtaj emes.
Qysqy kezeńde joldarda tótenshe jaǵdaılardy boldyrmaý úshin Almaty oblysynyń TJD aýa raıynyń ózgerýin, meteorologııalyq málimetterdi qadaǵalaýdy, 112 qyzmetiniń SMS habarlamalaryn eskermeýdi jáne aýa raıynyń nasharlaýy jáne avtojoldarda avtokólik qozǵalysyna shekteý engizý kezinde jolǵa shyqpaýdy suraıdy.
Qysqy saparǵa shyqpas buryn, mashınany tótenshe jaǵdaıda Sizge kómektesetin qosymsha, biraq óte qajet júkpen, sondaı-aq janarmaımen qamtamasyz etý kerek. Eger qozǵalý múmkindigi bolmasa jáne kómeksiz shyǵýǵa bolmaıtynyn túsinseńiz, úreılenbeńiz, dereý jedel qyzmet telefondaryna qońyraý shalyńyz «112», «101», «102». Sizdiń koordınattaryńyzdy, aınalańyzda bolyp jatqan oqıǵalar týraly aqparatty, otyn qoryn jáne t.b. berińiz. Kómek mindetti túrde keledi.
