Italıandyq dárigerlerdiń pikirinshe, jastar arasynda psıhologııalyq problemalar KVI-di ómirdegi densaýlyqqa alǵashqy aýyr soqqy retinde qabyldanýyna baılanysty týyndaýy múmkin.
«Eger qart adam sozylmaly aýrýlarmen ómir súre berse, jastar ózderiniń náziktigin túsinedi. Olar aýrýdy ómirge qaýip tóndiredi dep oılamaıdy», - deıdi mamandar.
20 men 40 jas arasyndaǵy jastarda indetti juqtyrǵannan keıin emosıonaldy áser paıda bolady, aǵzanyń árbir belgileri kópmárteli kólemde seziledi.
Fızıkalyq buzylýlardan basqa, mazasyzdyq, kóńil-kúıdiń ózgerýi jáne uıqysyzdyqty qamtıtyn psıhologııalyq sındromdardy saýyǵyp shyqqan adamdardyń shamamen úshten biri sezinedi eken. Brıtandyq jáne kanadalyq ǵalymdar toby COVID-19 aýyr nevrologııalyq asqynýlarǵa, onyń ishinde mıdyń qabynýyna ákelýi múmkin ekendigin anyqtaǵan. Koronavırýstyń adam densaýlyǵyna aýyr zardaptaryn tıgizetindigin, tipti ólimge ákeletindigin qazaqstandyq ǵalymdar da atap ótýde.
