Elbasynyń eńbegin erekshe baǵalady

Kezdesýde jahandyq pandemııa saldarynan týyndaǵan daǵdarys jaǵdaıyndaǵy eldiń ekonomıkalyq damýynyń ózekti máseleleri talqylandy.

– Qazir kúlli álem jurt­shy­lyǵy qıyn jaǵdaıdy bastan ótkerýde. Ekonomıka 3-4 paı­yz­ǵa tómendeıdi dep boljanýda. Búgin ózińizben álemde qalyp­tasqan ahýalǵa baılanysty pi­kir alysqym kelip otyr, – de­di Qa­zaqstannyń Tuńǵysh Prezı­denti.

Sýma Chakrabartı álemdik ekonomıkanyń qalpyna kelýine jáne aldaǵy perspektıvalaryna qatysty boljamdar týraly óz oıymen bólisti. Sonymen birge Reformalar jónindegi joǵary keńes tóraǵasynyń orynbasary táýelsiz Qazaqstandy qurý jáne damytý isindegi Nursultan Nazarbaevtyń eńbegin joǵary baǵalady.

– Eýropa qaıta qurý jáne damý bankin basqarǵan kezdegi biz­diń birlesken jumysymyzdy jyly sezimmen eske alamyn. Biz Sizdiń elmen tyǵyz qarym-qaty­nasta boldyq. Qazaqstan berik yn­ty­maqtastyq ornatqan alǵashqy bes memlekettiń qataryna kirdi. Bul Sizdiń belsene atsalysýyńyzdyń arqasynda múmkin boldy. Son­daı-aq men Sizdiń táýelsiz Qazaq­standy qurý jolyndaǵy qajyr-qaıratyńyzǵa tamsana qaraımyn, – dedi S.Chakrabartı.