Ol bala kúninen quqyq qorǵaý salasynda jumys isteýdi maqsat etti. Sóıtip budan alty jyl buryn Kaspıı mańynyń osy zamanǵy kolledjin «quqyqtanýshy» mamandyǵyn bitirdi. Keıin Qarýly Kúshter qatarynda boryshyn ótedi. Áskerden oralǵan soń ishki ister departamentiniń qurylymynda taǵylymdamadan ótýge bel baılady. Al 2017 jyly Ishki ister mınıstrliginiń M.Bókenbaev atyndaǵy Aqtóbe zań ınstıtýtyna tyńdaýshy bolyp qabyldandy.
Onyń aıtýynsha, polısııa qataryndaǵy qyzmeti mıgrasııa basqarmasynyń zańsyz mıgrasııaǵa qarsy kúres vzvodynyń kishi ınspektory retinde bastalypty. Keıin Atyraý qalalyq polısııa basqarmasynyń jol-patrýldik polısııa batalonynda jalǵastyrdy. Qazir atalǵan qurylymda ınspektor bolyp jumys isteıdi.
– Byltyrǵy 24 qazanda tańerteń polısııa kishi serjanty Talǵat О́teshqalıevpen birge kezekshilikte júrgen edik. Avangard-2 shaǵyn aýdanyndaǵy bes qabatty turǵyn úıden shyqqan órtti baıqadyq. О́rt týraly Tótenshe jaǵdaılar departamentiniń dıspetcherlik pýltine habarlap, adamdardy jedel qutqarýǵa umtyldyq. Biz kóp qabatty úıge kelgende kireberisti qoıý qara tútin tumshalap turdy. Soǵan qaramastan áriptesimmen birge órtenip jatqan páterden eki áıel men úsh balany aman alyp shyqtyq, – dep eske alady polısııa kishi leıtenanty Alan Turlanov.
Ol bul isin erlikke balaǵysy kelmeıdi. Dál sol kúni 24 jasqa tolǵan edi. Biraq týǵan kúnnen buryn adamdardy órtten qutqarýdy ǵana oılady.
Atyraý oblysy
