«Erikti bolý - jaı ǵana ıgi ister jasaý emes, bul ómir salty. Búgin Memleket basshysy volonter jylyn qorytyndylady. Prezıdent atap ótkendeı, bul jyl bizdiń elimizde ǵana emes, búkil álem tarıhynda asa kúrdeli kezeńderdiń biri bolǵanyna qaramastan, «qaıyrymdy ister» jalpyulttyq ıdeıasy on myńdaǵan qazaqstandyqtyń qaıyrymdylyǵy men janashyrlyǵynyń arqasynda ómir shyndyǵyna aınaldy. Otandastarymyz ult rýhynyń myzǵymas beriktigin, birlik pen yntymaqtyń, tutastyq pen tilektestiktiń, shynaıy yqylas pen bir-birine degen qamqorlyqtyń jarqyn úlgisin kórsetti.
Eriktiler elorda ómirine etene aralasady. Olar pandemııamen kúreste úlken úles qosyp, medısına, polısııa qyzmetkerlerimen birge aldyńǵy shepte keledi. Eriktiler blok-beketterde kezekshilik etip, dezınfeksııa júrgizýge qatysty. Dári-dármekter, qorǵanys quraldaryn, azyq-túlik sebetterin tasymaldap jatyr. Zeınetkerlerge qol ushyn sozyp, úı sharýasyna kómektesedi. Tártip saqshylarymen birlese reıdter júrgizedi. Olardyń eńbeginiń arqasynda ınfeksııanyń taralýynyń yqtımal oshaqtaryn oqshaýlaýǵa múmkin bolyp otyr.
Sonymen birge eriktilerimiz Arys, Maqtaaral aýdanyn qalpyna keltirýge kómektesti. «Taza Alem» ekologııalyq qozǵalysyna qatysyp, aǵash otyrǵyzdy. Olardyń eńbegi aýqymdy ári mańyzdy. Árqaısysy elimiz ben bas qalanynyń damýyna óz úlesin qosyp keledi. Búgin eriktiler «Halyq alǵysy» medalimen marapattaldy. Olarǵa alǵys aıta otyryp, myqty densaýlyq, ıgi bastamalaryna tabys tileımin!» - dep jazdy Altaı Kólginov.
