О́zi býhgalterlik esep júrgize almaıtyn bolǵandyqtan ol osyndaı qyzmet kórsetemiz degen bir uıymǵa qaırylǵan. Uıymnyń qyzmetkeri bárin ózi istemek bolyp sendirgen. Sóıtip, salyqqa tólenýge tıisti 300 myń teńgeni qolma-qol alǵan. Bul qyzmet ózine unaǵan kásipker artynan birneshe ret osy qyzmetkerge qaırylǵan. Biraq arada birneshe aı ótkende óziniń salyq bereshegi birneshe mıllıonǵa shyǵyp ketkenin kórip shoshyp qalady. Sóıtse... Býhgalter dep sengen adamy salyq úshin budan alǵan 8 mıllıonnan artyq teńgeniń bir tıynyn da bıýdjetke tólemegen. Qazir jalǵan býhgalterdiń ústinen «alaıaqtyq» baby boıynsha is qozǵaldy.
«Kúdikke ilingen 28 jastaǵy Petropavldyń áıel turǵyny bolyp otyr. Qazir onyń osyndaı basqa da qylmystarǵa qatystylyǵy tekserilýde», deıdi Petropavl qalasy PB Tergeý bóliminiń bastyǵy, maıor Nurjan Omarov.
