Memleket basshysy Q.Toqaevtyń qatysýymen Volonter jylynyń resmı jabylý rásimi ótti. Basqa óńirler sııaqty Almaty beınekonferensııa-baılanysy arqyly qosyldy.
"Jomart júrek" baıqaýynyń "Jyl tulǵasy" nomınasııasy boıynsha "Dıal stroı" JShS bas dırektory Ǵabıt Mamatraıymov jeńimpaz atandy.
"Jyl volonteri" baıqaýynyń jeńimpazdary — "Pedagogter akademııasy", "Lider.kz" eriktiler qozǵalysy, "QR Qyzyl Jarty Aı qoǵamy" sııaqty qoǵamdyq birlestikterdiń basshylary Nurym Nurǵalıev, Dılmıra Blas, Erkebek Arǵymbaev.
Birqatar eriktiler men volonter uıymdarynyń ókilderi Elbasynyń jáne Prezıdenttiń Alǵys hattarymen atap ótildi.
Almaty ákimi Baqytjan Saǵyntaev eriktilerdiń qıyn kezeńde qarapaıym turǵyndarǵa kórsetken qamqorlyqtary men kómekteri úshin almatylyqtar atynan olarǵa rızashylyǵy men alǵysyn bildirdi.
О́tken jyly Almatyda volonterlik qozǵalystardy damytý boıynsha jobalar densaýlyq saqtaý, qarttarǵa qamqorlyq, bilim berý, ekologııa jáne turǵyndarmen birlesip áreket etý salalarynda oıdaǵydaı júzege asty. Qalada 28-ge jýyq iri eriktiler uıymy jumys jasaýda. Bul uıymdardyń bazalyq derekterinde 50 myńnan astam erikti bar.
