Mádenıet jáne sport mınıstri Aqtoty Raıymqulova dene tárbıesi sabaqtarynda ulttyq sport túrleriniń komponentin engizý bilim berý salasyndaǵy jańalyq bolatynyn aıtty.
Jalpy bilim beretin mektepterde oqytylatyn ulttyq sport túrleriniń tizbesin mádenıet mınıstrligi bekitetin bolady.
Sonymen qatar ákimdikter halyq úshin sport úıirmeleri men seksııalaryn, balalar men jasóspirimderdiń dene shynyqtyrý klýbtaryn uıymdastyrýy qajet. Sondaı-aq, aýyl halqy arasynda dene shynyqtyrýmen aınalysý deńgeıin arttyrý mindetin qoıdy.
Ákimdikter dárigerlik-dene shynyqtyrý dıspanserleriniń sanyn kóbeıtip, halyqpen jumys isteý úshin dene shynyqtyrý jáne sport jónindegi nusqaýshylardy shaqyra alady.
Aıta keteıik, qazir Qazaqstanda balalar men jasóspirimderdiń 105 klýby jáne 579 balalar sport klýby bar. 2025 jylǵa deıin mádenıet jáne sport mınıstrligi balalar men jasóspirimder sport klýbtarynyń sanyn 350-ge jetkizýdi josparlap otyr.
