"Eriktiler tótenshe jaǵdaı kezinde dári-dármekten basqa, muqtaj adamdarǵa qajetti azyq-túlikti túsirýden bastap, tasymaldaýǵa deıin kómektesti. Qaýipsizdik maqsatynda tasymaldaý kezinde barlyq eriktiler betperde, qolǵap jáne qorǵanys kostıýmderimen qamtamasyz etildi. Eriktiler qozǵalysynyń barlyq ókilderine birlesken jumysy úshin alǵys aıtamyn", -dedi oblys ákimi A.Muhambetov.
Saltanatty shara barysynda "Korporatıvtik eriktilik kóshbasshysy" nomınasııasynda "Jyl eriktisi" halyqaralyq syılyǵyna Jengeldın aýdanynyń "Jalyn" jastar uıymy, "Jyl mesenattary" nomınasııasynda "Jomart júrek" syılyǵyn Borıs Knıazev ıelendi. "Jyldyń úzdik uıymy" atalymynda "Olja-Agro" JShS, "Eren erlik" atalymy boıynsha Janseıit Qurmanǵalıev marapattaldy.
