Mádenıet jáne sport vıse-mınıstri О́.Bısaqaev «Mundaı jobalar ótken jyly Qazaqstan Respýblıkasynyń Premer-Mınıstri Asqar Mamınniń bastaýymen qurylǵan, quramyna Kazakh Tourism ókilderi men Almaty qalasy jáne Almaty oblysynyń ákimdikteri engen Almaty taý klasterin damytý jónindegi birlesken jobalyq keńse arqyly júzege asyrylady», dep málimdedi.
Delegasııa aldymen taýly kýrorttyń eń tómen jáne eń bıik núktelerinde ornalasqan eki jańa týrıstik ortalyqta boldy. Munda týrısterge kýrort týraly, Almaty qalasy jáne Almaty oblysynyń týrıstik múmkindikteri, kórikti jerleri týraly, sondaı-aq elimizdiń negizgi týrıstik baǵyttary týraly egjeı-tegjeıli aıtylady. Sonymen qatar, vızıt-ortalyqtarynda qajetti qural-jabdyqtardy jalǵa alýǵa, kádesyılar men oıyn-saýyq attraksıondaryna, belsendi is-sharalarǵa bıletter satyp alýǵa jáne taý nusqaýshylarynyń qyzmetterin paıdalanýǵa bolady.
«Halyqaralyq tájirıbege sáıkes, vızıt ortalyqtary týrısterdi belgili bir jermen tanystyrýdyń alǵashqy núktesi bolyp tabylady, onda kelýshiler alǵashqy mınýttardan bastap ózderine ǵana emes, qorshaǵan ortaǵa da qamqorlyq jasaý kerektigin túsinedi. Dál osy tujyrymdamany basshylyqqa ala otyryp, biz Shymbulaq taýly kýrortynda da osyǵan uqsas tásil qoldanýdy usyndyq», dep qosty «Kazakh Tourism» UK basqarma tóraǵasynyń orynbasary Q.Sadýaqasov.
Eraly Toǵjanov Qatysýshylardy vızıt-ortalyqtyń ashylýymen quttyqtap, ashylǵan nysandardyń mańyzyn atap ótti.
Ári qaraı, delegasııa kýrorttyń 3200 m bıiktikte ornalasqan eń bıik núktesinde, Ile Alataýynyń taýlarymen qorshalǵan jáne álemdegi jetinshi bıiktikte ornalasqan «Teńirdi» aralady. Bul óńirler taýly aımaqtyń múmkinderin keńeıtip, sheteldik týrısterdiń Qazaqstanǵa qosymsha nazaryn aýdarýǵa sep bolady. Keshenniń ózi halyqaralyq standarttarǵa sáıkes keletin jáne 30 tósekke arnalǵan 10 ekoúıden turady.
«Qazirgi zamanaýı ózgerister týrısterdi ekologııalyq baǵdarlanǵan demalys formatyna kóbirek tartýda. Eger mundaı oıyn-saýyqty ádettegi jaıly turý ádisimen úılestirý múmkin bolsa, onda kóptegen saıahatshylardyń sapar shegetin jerin tańdaýda glammıngter sheshýshi ról atqarady. Ekologııalyq tehnologııalardy qoldanýdy eskere otyryp, mundaı jobalar barlyǵynyń kóńilinen shyǵýy kerek», deıdi ınvestor V.Sarybekov.
Jumys toby sonymen qatar 2021-22 jyldary Almaty oblysynyń týrıstik qyzyǵýshylyǵy bar jerlerde júzege asyrylatyn «S.N.E.G» qonaq úı jelisiniń jobasymen tanysty. Sonymen birge, ınvestor Qazaqstan Respýblıkasy Premer-Mınıstriniń orynbasaryna búginde qurylystyń birinshi kezeńi úsh túrli jerde bastalatynyn habarlady.
Sonymen qatar, Eraly Toǵjanov sapar barysynda shańǵy jáne snoýbord mektebiniń balalarymen jáne nusqaýshylarymen áńgimelesti. О́tken jyly taý kýrorty kesheninde qalalyq ákimdiktiń qoldaýymen 1200-den astam bala aqysyz jattyqqan. Sondaı-aq, jyl saıyn belsendi demalys túrlerine, atap aıtqanda uzaq otbasylyq demalystarǵa qyzyǵýshylyq artyp kele jatqandyǵyn atap ótken jón.
Munymen qosa, naryqtaǵy basqa qatysýshylarmen taý shańǵysy kýrorttarymen, qonaq úılermen jáne týroperatorlarmen júıeli jumys júrgizilip jatqany da basa aıtaldy.
«О́zge elderdiń shekaralary jabyq bolýy, ishki týrızmdi damytatyn kez kelgendigin dáleldedi. Qazir týrızm naryǵyndaǵy azamattar birigýge kiristi, bul týrıstik ónim qol jetimdi bola bastady degendi bidiredi», dedi «Shymbulaq» demalys ornynyń bas dırektory R.Ábdirahmanov.
Qorytyndy boıynsha QR Premer-Mınıstriniń orynbasary Eraly Toǵjanov birikken Jobalyq keńseniń atqarǵan jumysynyń mańyzdylyǵyn atap ótip, júzege asyrylyp jatqan jobalar óńirdiń týrıstik áleýetin jańa deńgeıge shyǵaratynyna senim bildirdi.
«Usynylǵan jobalardy qazaqstandyq ınvestorlar óte joǵary deńgeıde júzege asyratyny qýantady», dep atap ótti Mádenıet jáne sport vıse-mınıstri О́.Bısaqaev.
