Atap aıtar bolsaq, kelesi tórtjyldyqtyń basty dodasynda skeıtbordıng, shyńǵa órmeleý, serfıng jáne breık-dans sportshylary Olımpıada kórigin qyzdyrmaq. Endi Halyqaralyq Olımpıada komıteti (HOK) jarysqa qatysatyn sportshylardyń sanyn 10,5 myńnan asyrmaý týraly sheshim qabyldaǵan.
HOK-tyń 7 jeltoqsanda ótken jıynynda aýyr atletıka men boks baǵdarlamasynyń kvota sany qysqarǵany da belgili boldy. Ziltemirshilerdiń dopıng-synamalary oń nátıje kórsetip, HOK Halyqaralyq aýyr atletıka federasııasyndaǵy sybaılas jemqorlyq máseleleri órshigen soń osyndaı qadamǵa barsa, boks sportynda genderlik teńdikti saqtaý úshin erler básekesinen taǵy da bir salmaqty qysqartyp, ony áıelder boksyna bergen. Buǵan deıin de erler boksynan eki salmaq dárejesi qysqaryp, áıelder boksyna qosylǵan edi.
