25 jastaǵy fın sportshysy shaıbaly hokkeıdegi alǵashqy qadamyn HIFK komandasynda jasaǵan. Keıinnen ol óz eliniń birneshe komandasynda jáne Amerıka hokkeı lıgasynda (AHL) óner kórsetken. 2014 jyly AQSh-tyń «Los-Andjeles Kıngs» klýbyna aýysqanymen, birde-bir ret muzaıdynǵa shyqpaǵan.
Sonymen qatar Lıntýnıemı ár jyldary Fınlıandııanyń jasóspirimder jáne jastar quramasynda oınaǵan. Al bıyldan bastap eresekter quramyna shaqyrtý aldy. Ol «Barys» quramyna Fınlıandııa birinshiliginde baq synaıtyn IýP klýbynan aýysyp keldi. Bıylǵy maýsymda Aleks atalǵan komandada 11 match ótkizip, tórt (1+3) upaı jınaǵan. Lıntýnıemımen kelisimshart maýsymnyń sońyna deıin jasalǵan.
Aıta keteıik, «Barys» buǵan deıin quramyn kanadalyq qorǵaýshy Dıllon Heterıngton jáne shabýylshy Fıl Varonemen tolyqtyrǵan edi.
