ELBASY QABYLDADY

Memleket basshysy Nursultan Nazarbaev EQYU-nyń Is basyndaǵy tóraǵasynyń ar­naý­ly ókili Jánibek Káribjanovty qabyldady, dep habarlady Qazaqstan Respýblıkasy Pre­zıdentiniń baspasóz qyzmeti. J.Káribjanov Prezıdentke óziniń Qyr­ǵyz­stanǵa saparynyń qorytyndysy týraly baıan­dady. EQYU-nyń mıssııasy oryn alǵan qaq­ty­ǵys­tardyń odan ári órbýine jol bermeý, turaq­tylyqty qamtamasyz etý jáne osy eldegi saıası jaǵdaıdyń ýshyǵýy jaǵdaıynda adam quqyq­taryn saqtaý boldy. – Qyrǵyzstannyń ýaqytsha úkimeti kons­tıtýsııa negizinde jumys istep, qoldanystaǵy zańdardy saqtap, eldiń áleýmettik-ekonomıkalyq jaǵdaıyn jaqsartýdy qamtamasyz etýi qajet. Sonyń negizinde halyqtyń ómir súrý deńgeıin kóterý qamtamasyz etiledi, – dedi J.Káribjanov. *  *  * Memleket basshysy Nursultan Nazarbaev Qazaqstan Respýblıkasynyń Bas prokýrory Qaırat Mámıdi qabyldady, dep habarlady Qazaqstan Respýblıkasy Prezıdentiniń baspasóz qyzmeti. Q.Mámı Prezıdentke elimizdegi zańdylyqtyń jaı-kúıi jáne vedomstvonyń aǵymdaǵy jylǵy úsh aıdaǵy jumys qorytyndylary týraly baıandady. Esepti kezeń ishinde qylmys 10 paıyzǵa ósken. Mundaı jaǵdaı jasalǵan qylmystardyń sanynyń ósýiniń esebinen emes, esepke alý-tirkeý tártibin qataıtqannan soń oryn alyp otyr. Sonyń bir aıǵaǵy, aýyr jáne ortasha dárejedegi qylmystar deńgeıi tómendegeni baıqalýda. Áńgimelesý barysynda sondaı-aq elimizdegi sý qoımalarynyń qazirgi jaǵdaıyna tekseris júrgizý týraly sóz boldy. Búgingi kúni, Prezıdenttiń tapsyrmasy boıynsha, prokýratýra tarapynan ózge ýákiletti organdarmen birlesip,  elimizdegi barlyq sý qoımalaryna qatań baqylaý qolǵa alynyp, tekseris júrgizildi, – dedi Q.Mámı.