Almatyda eriktiler jylyn ótkizý aıasynda 78 is-sharadan turatyn sharalar jospary bekitildi. Barlyq joba men is-shara vemleket basshysy belgilegen mindetterge sáıkes ázirlendi.
Baǵdat Anarbaevanyń aıtýynsha, karantınniń birinshi kúninen bastap Almaty qalasynyń ákimdigi Jastar loft-ortalyǵynyń negizinde jedel volonterlik shtab qurylyp, onyń quramyna qalalyq volonterlik, medısınalyq jáne qoǵamdyq uıymdar endi.
Jalpy qala boıynsha 1000-ǵa jýyq volonter jumys istedi, onyń ishinde shtabqa 100-ge jýyq turaqty volonter tartyldy. Eriktiler koronavırýstyń taralýyna baılanysty qaýipsizdik tehnıkasy men gıgıena talaptaryn úırendi.
Shtabtyń negizgi qyzmeti halyqtyń muqtaj sanattaryna kómek kórsetýge baǵyttaldy.
«Pandemııa kezinde muqtaj 26 myńnan astam azamatqa azyq-túlik paketteri, medısınalyq betperdeler taratý, dári-dármek jetkizý túrinde kómek kórsetildi. Shtab turaqty negizde qoǵamdyq oryndarǵa monıtorıng júrgizdi. Buzýshylyqtar anyqtalǵan kezde ýákiletti organdar kásiporyndardyń jumysyn shekteıtin sharalar qabyldady. Sondaı-aq, eriktiler qalalyq medısına qyzmetkerlerine basqa elderden kelgen azamattardy aýrýhanalarǵa ornalastyrýǵa kómektesti», - dedi Anarbaeva.
Jedel eriktiler shtabynyń volonterlary 4115 muqtaj jáne áleýmettik osal azamattarǵa kómek kórsetti, 93 otbasyna medısınalyq betperde taratty.
Sonymen qatar 166 nysanda qoǵamdyq monıtorıng júrgizdi, onyń ishinde 80 nysanda buzýshylyqtar anyqtaldy, onyń qorytyndysy boıynsha ýákiletti organdar tıisti sharalar qabyldady.
Qalanyń 100 dárihanasynda qajetti dári-dármekterdiń baǵasyn negizsiz kóterý faktilerin anyqtaýǵa qoǵamdyq monıtorıng júrgizidi, 6250 turǵynǵa jedel jeli telefony arqyly aqparat berdi.
