Aımaqtar • 10 Jeltoqsan, 2020

Zorlady dep jala japqan boıjetken 3,5 jylǵa sottaldy

742 ret

kórsetildi

1 mın

oqý úshin

Almaty oblysynda jalǵan sóz jetkizgen boıjetken 3,5 jylǵa bas bostandyǵyn shekteý jazasyn aldy, – dep habarlaıdy Polisia.kz.

Aqmaral AǴZAMQYZY

Zorlady dep jala japqan boıjetken 3,5 jylǵa sottaldy

2020 jyldyń mamyr aıynda Taldyqorǵan qalasy PB Batys qalalyq polısııa bóliminde QR Qylmystyq kodeksiniń 120-babyna sáıkes (Zorlaý) deregi boıynsha qylmystyq is qozǵaldy. Tergeý barysynda tergeýshi ótinish berýshiniń jaýaptaryndaǵy birqatar sáıkessizdikterdi anyqtady. Olar anyqtalǵan keıbir jaıttarǵa qarama-qaıshy keldi. Saraptama qorytyndylarymen jáne basqa da obektıvti dáleldermen teriske shyǵaryldy.

О́zge bireýdiń ústinen polısııaǵa aryzdanǵan Kóksý aýdany Muqyry aýylynyń 19 jastaǵy turǵynynyń óz tanysyna kórineý jala japqany áshkere boldy. Tártip saqshylary zorlaý deregi boıynsha qylmystyq isti qysqartyp, kórineý jalǵan sóz jetkizý deregi boıynsha QR Qylmystyq kodeksiniń 419-babyna sáıkes qylmystyq is qozǵady. Sotqa deıingi tergeý materıaldary negizinde osy jyldyń qazan aıynda Taldyqorǵan qalalyq sotynyń úkimimen 19 jastaǵy qyz kináli dep tanylyp, oǵan 3,5 jylǵa bas bostandyǵyn shekteý jazasy taǵaıyndaldy.