Abaı eńbekterin aýdarýdy Qazaqstannyń Mádenıet jáne sport mınıstrliginiń tapsyrysy boıynsha “Ulttyq aýdarma bıýrosy” QQ jáne Chjeszıan ólkesiniń Mádenıet jáne óner baspa úıiniń járdemimen belgili jazýshy, «Qytaı jazýshylary» baspa tobynyń bas basqarmasynyń basshysy Ákbar Májıtuly júzege asyrdy.
Kesh qonaqtarynyń qatarynda QHR burynǵy mádenıet jáne týrızm mınıstri Van Men, QHR-dyń Qazaqstandaǵy burynǵy elshisi Chjoý Sıaopeı, Qytaı jazýshylar qaýymdastyǵy tóraǵasynyń orynbasary Lı Szenszı jáne basqalary boldy.
Ákbar Májıtuly (1954 jyly týǵan) – qytaı tilinde jazatyn az ulttardyń ókilderinen turatyn QHR-dyń kórnekti jazýshylarynyń biri. 1982 jyldan bastap Qytaı jazýshylar odaǵynyń múshesi, QHR Halyqtyq saıası konsýltatıvtik keńesiniń depýtaty bolǵan, úsh ret QHR Memlekettik syılyǵynyń ıegeri, II dárejeli “Dostyq” ordeniniń kavaleri, onnan astam kitaptyń, onyń ishinde Abaı shyǵarmalary aýdarmalarynyń avtory .
Ákbar Májıtulynyń aýdarmalary men shyǵarmashylyq izdenisteriniń arqasynda búgingi tańda qytaılyq oqyrmandar Abaı Qunanbaıulynyń aqyndyq jáne fılosofııalyq murasymen qatar qazaq ádebıetiniń basqa da kórnekti klassıkteriniń shyǵarmalarymen tanysa alady.
