«Biz qaıtadan «qyzyl» aımaqqa kirdik. Bul shekteý is-sharalaryn odan ary da qatań baqylaýymyz kerek degen sóz. Osy ýaqytqa deıingi tájirıbemizdi eskere otyryp, birqatar is-shara qabyldaıtyn bolamyz. Sonymen qatar jańa tetikter de qoldanǵan jón. Máselen, dálizderdi taryltyp, sýpermarketterge 17-00 nemese 18-00-ge deıin jumys isteýge ruqsat berýdiń logıkasy durys. Alaıda, tájirıbe barlyǵy da sol ýaqytqa deıin saýda jasap úlgerýge tyrysatyndyǵyn kórsetti jáne qarbalas týyndaıdy», - dedi A.Kólginov.
Budan soń ákim elordanyń bas sanıtarlyq dárigerimen jáne saýda ortalyqtarynyń basshylarymen bul máseleni sheshý joldary talqylanǵanyn sóz etti.
«Endigi kezekte aýmaǵy 2 myń sharshy metrden asatyn iri saýda ortalyqtary táýlik boıy jumys isteýi úshin sheshim qabyldaıtyn bolamyz. Bul qala turǵyndarynyń saýda ortalyqtaryna qolaıly ýaqytta bara alýy úshin jasalmaq. Bul jaǵdaıda dálizderdi taryltpaımyz jáne qarbalas ta bolmaıdy. Ásirese, Jańa jyl qarsańynda barlyǵy da dúkenge baryp, úıine qajetti zattar, endi bireýler balalalaryna syılyq alǵysy keledi. Sondyqtan osy máseleni birlesip sheshýimiz kerek», - dedi Altaı Kólginov.
