Álemdegi jelatın óndirisiniń bastamashysy bolyp tabylatyn kompanııa ónimi «Halal» standartyna sáıkes jumys isteıdi. Kezdesýde 35 mıllıon AQSh dollarynyń (15,5 mıllıard teńge) «KazGelatine» ınvestısııalyq jobany Túrkistan oblysynda iske asyrý joldary talqylandy.
Malaızııalyq kompanııa jylyna 2500 tonna jelatın úgindisin shyǵaratyn, 750 myń iri qara men jylqynyń terisin óńdeıtin óndiris bastamashysy. «Jobańyzdy bizdiń oblysta júzege asyrýǵa nıet bildirgenińiz úshin sizge rızashylyǵymdy bildirgim keledi. Sizderdiń kásipterińizdi sátti iske qosý úshin ákimdik tarapynan qajetti jaǵdaılar jasalady. Bilýimshe, sizdiń óndirisińiz eldegi halal jelatınine degen suranysty tolyqtaı jaba alady jáne eń bastysy, bul Ortalyq Azııadaǵy jalǵyz túri bolady», dedi oblys ákimi.
О́ndiris orny azyq-túlik qaýipsizdigi jónindegi ıslam uıymy (IOFS) kelisimine sáıkes jumys isteıdi. Indýstrııaldy aımaqtan ınvestorǵa aýmaǵy 8 gektar jer beriledi. О́ndiris iske qosylǵanda 70 turaqty jumys orny ashylmaq. Taýardy О́zbekstan, BAÁ, Saýd Arabııasy men Úndistan elderine eksporttaý kózdelgen. Mamandardyń aıtýynsha, mańyzdy amınqyshqyldarynyń kóp mólsherin qamtıtyn tabıǵı aqýyz kózi óndirisiniń álemdik ındýstrııasynda tek 2% - y halal. Sondaı-aq, iske qosylatyn óndiris jelatındi óndirýden bastap, ony keıinnen qaıta óńdeýmen, saýdaǵa jáne basqa kásiporyndarǵa jiberý úshin oraýmen tolyq sıkldy qamtıtyn keshen bolmaq. Tamaq ónerkásibinen basqa salalarda da ónimdi taratý josparlanǵan.
Túrkistan oblysy
