Búginde oblys ortalyǵynyń aýmaǵy boıynsha 6 jáne Stepnogorsk qalasynyń mańynda 3 sanıtarlyq beket jumys isteýde. Onda karantın talaptarynyń saqtalýyn qadaǵalaý sharalaryna 66 polısııa qyzmetkeri jumyldyrylǵan. Brıfıngte Áset Baıtelenov sanıtarlyq beketterde turǵan polısııa qyzmetkerleri elektrondyq planshettermen qamtamasyz etilgenin jáne qalalarǵa kirip-shyǵatyn kólikter arnaıy elektrondy baza arqyly tekserilip otyratynyn aıtty.
Osyndaı tekseristerdiń nátıjesinde 130 ákimshilik quqyq buzýshylyq anyqtalǵan. Sanıtarlyq beketterden ótý kezinde sanıtarlyq talaptardy buzǵany úshin 25 júrgizýshi jaýapkershilikke tartylǵan. Sondaı-aq, júrgizýshi kýáliginen aıyrylsa da, sanıtarlyq beketterden ótpek bolǵan júrgizýshiler de kezdesken. Kókshetaý qalasynyń mańyndaǵy sanıtarlyq bekette polısııa qyzmetkerleri sondaı 12 júrgizýshiniń jolyn kesken. Mas kúıinde kólik júrgizgen eki júrgizýshi, qaýipsizdik beldigin taqpaǵan 24 júrgizýshi jaýapqa tartylǵan. 20 avtokólik mamandandyrylǵan aıyppul turaǵyna qoıylǵan.
О́z sózinde baıandamashy ústimizdegi aıda Nur-Sultan – Petropavl tas jolynda ornalasqan №1 sanıtarlyq bekette jergilikti polısııa basqarmasy men kólik baqylaý ınspeksııasy birlesip, jolaýshylardy zańsyz tasymaldaǵan taksı júrgizýshisin ustap, ákimshilik hattama toltyrǵanyn, karantın aımaǵyna ótýge ruqsaty joq kólikterdi kirgizbeý jáne shyǵarmaý maqsatynda tıisti jumystar júrgizilip jatqanyn aıtty.
Aqmola oblysy
