«О́tken jyly, 2019 jyldyń 20 jeltoqsanynda Ulttyq qoǵamdyq senim keńesiniń ekinshi otyrysynda Memleket basshysy áıelder men jastar úshin partııalyq saılaý tizimine 30 paıyzdyq kvota engizý týraly bastamasyn jarııa etken bolatyn. 2020 jyldyń aqpanynda tıisti zań jobasy ázirlenip, mamyrda atalǵan qujatqa Memleket basshysy qol qoıdy. Endi mine, bir jyl ótkennen keıin atalǵan normanyń qalaı jumys isteı bastaǵanyn kórip otyrmyz», dep jazdy Erlan Qarın Telegram paraqshasynda.
Máselen, QR Prezıdenti kómekshisiniń dereginshe, Májiliske partııalyq tizim arqyly usynylǵan «Nur Otan» kandıdattarynyń - 31,7, «Aq jol» partııasynyń - 36,8, Qazaqstan halyq partııasynyń - 36,2, «Aýyl» partııasynyń - 31,5 jáne «Adal» partııasynyń - 31,1 paıyzyn áıelder men jastar qurap otyr. Bul norma máslıhat saılaýynda da qoldanylady.
«Aıtalyq, qazirgi ýaqytta búkil respýblıkadaǵy máslıhat depýtattary korpýsynyń nebári 2 paıyzy ǵana - jastar. Sondyqtan da osy saılaýda biz jastar men áıelderdiń saılaý jáne saıası prosesterge keńinen qatysýyn baıqaıtyn bolamyz»,dedi ol.
