"О́rt saldarynan balalarynan aıyrylyp, qaıǵyǵa batqan Sıter otbasyn sábıli bolýlarymen quttyqtaımyn!. Janymgúl aıaǵy aýyr bolǵan kezde kóz tımeýi úshin bul týraly eshkimge aıtpaýymdy ótingen edi. Búgin olardyń shańyraǵynda qýanyshty jańalyq! О́mirge ul keldi!", dep jazdy Táńirbergen Berdońǵarov óziniń Facebook paraqshasynda.
Táńirbergen Berdońǵarov sondaı-aq erli-zaıyptylardy uldy bolýlarymen quttyqtady.
"Sizderdi halyq atynan quttyqtaımyn jáne uldaryńyzdyń nesibesi arta bersin dep tileımiz! Sizderdiń qyzdaryńyzǵa degen úlken mahabbattaryńyzdyń, qaryndastarynyń qurmetine oraı laıyqty murager bolsyn! Bul mahabbat ony barlyq jamandyq ataýlydan saqtasyn. Baýy berik bolsyn!", dep jazdy ol.
Eske sala keteıik, 4 aqpanda saǵat 2:34-te Astanadaǵy TJD "101" tetigine Saryarqa aýdany Shyńǵystaý kóshesindegi jeke turǵyn úıdiń aýlasyndaǵy bólek turǵan ýaqytsha baspanadan órt shyqqany týraly habar kelip túsken. О́rtti sóndirý kezinde 2006, 2008, 2013, 2015 jáne 2018 jyly týǵan bes balanyń máıitteri tabyldy. Olardyń ata-analary jumysta bolǵan.
