Oqys oqıǵa Kókpekti aýdany men Shúlbi kentinde bolǵan. Tótenshe jaǵdaılar departamentiniń málimetine súıensek, balyqshylar demalys kúnderi sý qoımalaryna qaraı jolǵa shyqqan.
Álbette, qaýipsizdik erejelerin eskermegen. Kóliktiń ekeýi Kókpekti aýdanynda, endi biri Shúlbi sýqoımasynda muz astyna túsken. Kólikterdi sýdan shyǵarýǵa qutqarýshylar toby kómektesti.
"Shúlbidegi qutqarýshylar kóligi muz astyna túsip ketken júrgizýshini arnaıy "Kýng" avtokóligine otyrǵyzyp, jylynýyna jaǵdaı jasadyq"，dep habarlady oblystyq Tótenshe jaǵdaılar departamentiniń mamandary.
Abroı bolǵanda, adam shyǵyny joq.
Qutqarýshylar eskertpeı jatqan joq, departament mamandary balyqshylarmen kezdesip, muz ústimen júrýdiń qaýiptiligi jaıly túsindirý jumystaryn júrgizip-aq júr. Biraq, eskertýge qulaq asyp jatqandar az.
