Ádil jazalaryn aldy

– Oqıǵa bolǵan sátte qa­raq­­shylar nysanaǵa alǵan kásipker áıel Almatyǵa ket­ken bolyp shyq­ty. Úıde kúıeýi men qyzy jáne 2 qyz­metshisi qalǵan eken. Ur­lyq­qa túsken úıdiń aýla­­syn­­daǵy beınekamerany is­ten shy­ǵaryp, bólmelerdegi beı­ne­qurylǵylar tıýnerin alyp ketkenderdiń qylmysqa óte mu­qııat daıyndalǵany anyq edi. Betperde kıgen altaýdyń jú­zin anyq kórgen eshkim joq. Bir derek aıtady degen úı ıesi al­ǵan aýyr jaraqatynan aýrý­hanada úzilip ketti. Qolǵap kı­gendikten kú­diktilerdiń saýsaq tańbasy esh jerden tabylmady. Úıdegi baǵa­ly buıymdar men aqshany qol­dy etkender jábirlenýshige 300 mln teńge kóleminde shy­ǵyn keltiripti. Biz úshin bári jumbaq edi, sonda da urlanǵan zattardy osy úıdegi Toyota Land Cruzer-200  ben Lexus-570 mar­kaly kóligine tıegen altaýdy izdeýdi jalǵastyra berdik, – deıdi Qyzylorda oblysy Po­lı­sııa depar­tamenti Tergeý bas­qarmasy­nyń bólim bastyǵy, tergeý tobynyń jetekshisi, polısııa podpolkovnıgi Asqar Jáýenov.

Kóshedegi beınekamera jazbalary arqyly qyl­mys bolǵan mezgilde sol mań­nan ótkenderge saraptama jasaǵan polıseılerge 2 taksı kóligi kúdikti kóri­nip­­ti. Basqa kóshelerdegi ka­mera­lar ar­qyly osy kólikterdi indet­ken quqyq qorǵaýshylar izdiń ba­sy ózderi otyrǵan polısııa depar­tamenti mańyndaǵy jaldamaly páterler orna­lasqan aýmaqtan shyq­qa­nyn ańǵarady. Osy jerde alty adamnyń kósheden tak­­sı toqtatyp, Mersedes Bens 230 E  men Nehia marka­ly kólikterge bólinip otyr­ǵandyǵy belgili bola­dy.

Qansha izin jasyrǵanmen osy altaý sol mańdaǵy dú­ken­niń aýlasyndaǵy beıne­kameraǵa túsip qalypty. Tipti olardyń bireýiniń dú­kennen 6 qolǵap, eki skotch oramyn alǵany da po­lıseıler kúdigin odan ary qoıýlata tústi.  Quqyq qor­ǵaýshylarǵa beınesi anyq kórinip turǵan sol jigit qanquıly qylmys týraly derektiń jibin qol­ǵa ustatardaı kóringen. Dú­kennen saýda jasaǵan azamat buryn sottalǵan bolyp shyqty. Jumys istemese de aqshany ońdy-soldy shashyp, saýna men meıramhanadan shyqpaıtyn onyń ár qadamyn ańdýǵa kiristi.

– Ustalǵan sátte-aq kú­dik­ti bultarar jer qal­ma­ǵa­nyn túsi­nip, qylmysqa bir­ge bar­ǵan­dar týraly bá­rin aıtyp ber­di. Osydan keıin bári de bir­tindep qol­ǵa túse bastady. Jábir­le­ný­­­shiniń eki kóligin qala syr­­tyna tastap ketken olar oljalaryn jasyryp, ke­ıin seıfti lom arqyly ash­qandaryn aıtty. Bári de sotty bolǵandar eken. Ter­geý kezinde osy toptaǵy úsheý­diń oqıǵa bolardan sál buryn qaladaǵy taǵy bir kásip­kerdiń aýla­syndaǵy Toyota Land Cruzer-200 av­tokóligin urlap, 23 mln  teńge turatyn kólikti Túr­kistan oblysy aýmaǵynda 5 mln teńgege satyp jibergeni de belgili boldy, – deıdi ter­geý tobynyń jetekshisi.

Talaıdy kórgen polıseı­lerdi tańqaldyrǵany osy qyl­­mystyq isti uıymdas­tyryp, bas­qaryp júrgen 19 jastaǵy jigit bolyp shyq­­qany edi. Ob­lystyq po­­­lı­sııa ǵımaraty janynan pá­ter jaldap, sybaılas­taryn jınap júrgen de sol eken. Buryn urlyq úshin sotty bolǵan ol qylmysqa bararda janyndaǵylarǵa  uıaly tele­fondaryn tastatyp ke­tipti.

Qaladaǵy kolledjderdiń bi­rinde oqyǵan jas jigit kezin­de kásipker áıelge qa­ras­ty meı­ram­­­hanalardyń birinde daıa­shy bolǵan eken. Bastyǵynyń úıi­ne kelgen qonaqtarǵa qyzmet kór­sete júrip bárin zerttegen bo­lyp shyqty. Qylmys jasa­ǵan­nan keıin Almatyǵa ketken ol osy toptaǵylardyń ishin­de eń sońǵysy bolyp qol­ǵa tús­ti. Tergeýde basqa sybaılas­ta­ry­na 2 mln teń­geden bólip ber­gen top bas­shysynyń kóp qar­jyny ózi ıemdengeni de bel­gili bol­dy. Ákki ury 2 kılo al­tyn buıymdaryn oblys or­talyǵyndaǵy Sarqyrama ka­na­lynyń jıegine kómip ket­ken jerin de kórsetti. Jábir­­lenýshige kelgen shy­ǵyn­nyń kóp bóligi óteldi. 

Tyńǵylyqty tergelgen qyl­mys­tyq is sotqa jetip, jeńil ol­jaǵa qunyqqan 6 qylmysker ádil jazalaryn aldy.

Qyzylorda