Tehnogendik apat bolǵan Maqtaaral aýdanynda 21 áleýmettik nysannyń qurylysy júrip jatyr. Onyń ishinde ortalyq stadıon bıyl paıdalanýǵa tapsyryldy jáne 20 nysan 2021 jyly aıaqtalady.
«Tótenshe jaǵdaı saldaryn joıý boıynsha 8 áleýmettik nysannyń qurylysy júrgizilýde. Bir mektep, bir balabaqsha, bir polısııa pýnkti, 3 dárigerlik ambýlatorııa jáne 2 feldsherlik-dárigerlik ambýlatorııa salynyp jatyr. Salystyrmaly túrde alsaq, Maqtaaral aýdanynda 2019 jyly qurylys salasyna 7 917 mıllıard teńge qaralsa, 2020 jylǵa 29 mıllıard teńge bólindi», dedi aımaq basshysy О́mirzaq Shókeev.
Sondaı-aq, Fırdoýsı aýylynda 600 oryndyq mektep aǵymdaǵy jóndeýden ótse, bir dárigerlik ambýlatorııa men bir polısııalyq tirek pýnkti salynyp jatyr.
Maqtaaral aýdanynda 2018 jyly 69 eldi mekenniń 67-i, ıaǵnı 99,9% turǵyndar aýyz sýmen qamtyldy degen kórsetkish bar. Alaıda keıbir aýyldarda sý júıeleriniń tozyǵy jetken. 2018-2019 jyldary 5 eldi mekendegi (Qońyrat, Dıhan, Alǵabas, Maqtajan, Jeńis) aýyz sý júıeleri jańartyldy. 2020 jyly taǵy 5 nysannyń (Naýryz, Alash, О́rgebas, Atakent, Bereke) qurylysyna bıýdjetten 274 mıllıonǵa jýyq teńge bólinip, 3 nysannyń (Naýryz, Alash, О́rgebas) qurylysy aıaqtaldy.
2021 jyly 3 nysannyń (Atakent, Bereke, Iirjar) qurylysyna bıýdjetten 516 mıllıon teńge bólindi.
2018 jyly 69 eldi mekeniń 27-i, ıaǵnı 57,8% turǵyndary tabıǵı gazben qamtylǵan bolatyn. 2018-2019 jyldary júrgizilgen jumys nátıjesinde taǵy 9 eldi mekenge gaz jetkizilip, gazben qamtylǵan turǵyndar úlesi 63%-dan asty.
Maqtaaral aýdanynda shalǵaıdaǵy shaǵyn 8 úı, 55 adam turatyn Dostyq eldi mekeninen basqa barlyq aýyl ortalyqtandyrylǵan elektr jelisine qosylǵan. Alǵabas, Pernebaev, Qońyrat aýyldaryndaǵy tozyǵy jetken elektr jelisin jańartýǵa 2021 jylǵa bıýdjetten 130 mıllıon teńge bólindi.
