Atalǵan sabaqtar oqý synyptary men polıgondarda, barynsha jaýyngerlik jaǵdaıǵa keltirilgen kúıde ótkiziledi. Qarýly Kúshterdiń Biryńǵaı keshendi strategııalyq mindetteri sheńberinde tek qoıylǵan maqsattarda ǵana emes, shtattan tys ahýaldar boıynsha da is-qımylǵa daıyn bolý kerek. Ásirese bul eki maqsatty: áskerı-transporttyq avıasııa, radıasııalyq, hımııalyq jáne bıologııalyq qorǵanys, áskerı medısına komponentterine qatysty.
Oqý úderisinde barlyq sanattaǵy áskerı qyzmetshiler zamanaýı baǵdarlamalyq-oqytý keshenderin, ıaǵnı elektrondy tırler men kartalardy, jaýyngerlik kólikterdiń trenajerlaryn, avıasııa modelderin paıdalanady.
Jeke sabaqtar men bólimshe quramynda oqý úshin trenajerlar, T-72 tanki, BMP-2, «KamAZ», BTR-82A jáne basqalarynyń modelderi belsendi qoldanylady. Olar motoresýrstardy, JJM men oq-dárilerdi paıdalanbaı, ekıpajdyń jınaqy júrýine múmkindik beredi.
T-72 tank ekıpajynyń keshendi trenajeri – tank ekıpajdaryn oqytý men jattyqtyrýǵa arnalǵan. Nysanalardy barlaý eptiligin, barlyq oq-dári túrinen, snarıadty basqarýdy qosa aıtqanda, túrli rejımde, túrli táýlikte jaǵdaıynda qarý-jaraq kesheni arqyly atysty júrgizýdi qalyptastyrady.
BTR-82A trenajerlarynda jaıaý áskerlerdiń jaýyngerlik kólik ekıpajdaryn oqytady. Kez-kelgen aýa raıynda, túrli táýlikte, kózdeý qurylǵysy men baqylaý quralyn paıdalaný arqyly barlyq qarý túrinen tıimdi atys júrgizýdi oqytady.
Komandırler atystaryn jáne bólimshelerdiń artıllerııadan atysyn basqarýdy oqytýǵa arnalǵan trenjerlar – elektrondy jáne kishi artıllerııa tıri.
Bul áskerı qyzmetshilerdi daıarlaýǵa arnalǵan jaqsy balama. «Professıonal» atys tırinde atys úshin kádimgi qaǵaz jáne plastıkalyq nysanalar qoldanylady. Bir ýaqytta 8 baǵytta atyp, túrli jattyǵýlardy oryndaıdy. Ár atystyń nátıjesi naqty ýaqytqa jasalady. Jattyǵý aıaqtalǵan soń birden, ár atqan oǵyńdy egjeı-tegjeıli bólshekteýge bolady. Elektrondy tırdegi symsyz qarýdyń salmaǵy men ólshemi túpnusqalarǵa sáıkes keledi. Onyń yńǵaılylyǵy sol, onda atý qozǵalysy shekteýli emes.
Áýe qorǵanysy kúshteriniń bólimderi men áskerı oqý oryndarynda oqý-jattyǵý ushýlary úshin jaýyngerlik joıǵysh ushaqtarda ushýdyń tolyq kórinisin kórsetetin Sý-30 SM keshendi trenajerleri, Mı 8-tikushaqtarmen jáne L-39s oqý-jaýyngerlik ushaǵymen avıasımýlıatorlary qoldanylady.
Áýe qorǵanysy kúshteri áskerı ınstıtýtynyń oqytýshylary L-39S avıasımýlıatoryn ázirlep, ony oqytýǵa endirdi. Onyń birqatar erekshelikteri bar. Ushaqtyń qurylymy, qozǵaltqyshy men qarý-jaraq tolyǵymen modeldengen. Ushý dınamıkasynyń kásibı modeli de jasaldy. Eki ınteraktıvti kabınada barlyq naqty prosedýralar jumys isteıdi. Kýrsanttyń is-qımylyn baǵalaý úshin parametrlermen ushýdy qaıta qaraý múmkindigi kózdelgen. Ekranda ushaqtyń kez-kelgen fýnksıonaldy júıesiniń jumysyn kórsetýge bolady.
Trenajerlardaǵy jattyǵýlardan keıin áskerı qyzmetshiler shynaıy jaǵdaılarda qarý-jaraq pen áskerı tehnıkany meńgerýge kirisedi.
