Aýmaǵy 7200 sharshy metr bolatyn mektepte 29 jalpy synyp jáne 5 ınteraktıvti synyp qarastyrylǵan. Aqsýabad aýylyndaǵy jańadan paıdalanýǵa berilgen bilim uıasy da 600 oqýshyǵa arnalǵan. Mektepte 48 jalpy jáne 6 ınteraktıvti synyptar bar. Bilim uıasynyń ashylý saltanatyna Saıram aýdanynyń ákimi Ulasbek Sádibekov pen aýyldyń bedeldi azamattary, ustazdar qaýymy qatysty.
Sondaı-aq aýyl jastary úshin aýdandaǵy Shapyrashty eldi mekeninde jabyq fýtbol maneji paıdalanýǵa berildi. Qazirgi tańda aýyl jastary men jasóspirimder sanıtarlyq talaptardy saqtap, deneshynyqtyrý men sportqa tartylýda. Aýdanda osyndaı jabyq fýtbol manejder sany 20-ǵa jetip otyr. Iаǵnı barlyq aýyl okrýgteriniń ortalyq eldi mekenderinde jastardyń sportpen aınalysýyna múmkindik jasalǵan. Sport nysanynyń ashylýynda aýdan ákimi Ulasbek Sádibekov jastardy salaýatty ómir saltyn ustaný, densaýlyǵyn odan ári jaqsartýǵa shaqyryp, aldaǵy jarystarda aýyldan chempıondardyń shyǵýyna tilektestigin bildirdi.
