Jıyn barysynda mádenıet mınıstri 2020 jyly atqarylǵan isterdi qorytyndylady. Sondaı-aq, mádenıet, sport, týrızm, lotereıa jáne oıyn bıznesi salasyndaǵy zań jobalaryna ózgerister men tolyqtyrýlar engizilgenin aıtty.
Qasym-Jomart Toqaevtyń jarlyǵymen "Otan" ordenimen "Astana opera" memlekettik opera jáne balet teatrynyń jetekshi opera solısi Maıra Muhamedqyzy marapattaldy.
"Parasat" ordeni olımpıada daıarlaý ortalyǵynyń dırektory Mırhaıat Sembekovke tabystaldy.
"Qurmet" odenimen marapattaldy:
- "Qazaqkonsert" memlekettik konsert uıymynyń aýdarmashysy Serikzat Dúısenǵazy,
- О́tep atyndaǵy daryndy balalarǵa arnalǵan óner mektep ınternatynyń dırektory Marjan Esjanova,
- "Astana opera" memlekettik opera jáne balet teatrynyń orkestr konsertmeısteri Aleksandr Malınovskıı,
- Maksım Gorkıı atyndaǵy memlekettik akademııalyq orys drama teatrynyń ártisi Svetlana Fortýna.
"Eren eńbegi úshin" medalimen marapattaldy:
- "Asyl-dızaın" sán úıiniń bas dızaıneri Aıdarhan Qalıev,
- Mádenıet jáne sport mınıstrliginiń departament dırektory Jańyl Muhtarova,
- "Esil" respýblıkalyq gazetiniń bas redaktory Esengeldi Súıinov,
- Qazaq ulttyq horeografııa akademııasynyń oqytýshysy Raýshan Tólegenova.
"Qazaqstannyń eńbek sińirgen qaıratkeri" qurmetti ataǵy "Qazaqkonsert" memlekettik konsert uıymynyń qazaq sımfonııalyq uıymynyń ártisi Ermek Magavınge berildi.
Sonymen qatar Aqtoty Raıymqulova "Qurmet" gramotasyn Qazaq ulttyq óner ýnıversıtetiniń aǵa oqytýshysy Olga Jýldıevaǵa tabystady.
"Qanshama áriptesimiz, sport, óner maıtalmany keremet nagradamen marapattalyp jatyr. Bul bizdiń qarqyndy jáne qajyrly eńbekterińizdiń arqasy. Táýelsizdik kúni qarsańynda marapat alǵan áriptesterimdi quttyqtaımyn. Bul memlekettik marapattar sizder úshin kásibı ári shyǵarmashylyq jaǵynan ósýge stımýl bolady dep senemin", - dedi Raıymqulova.
