Alǵashqy jumys kúni jańa balabaqshaǵa oblys ákimi Arhımed Muhambetov baryp, tárbıeshilermen kezdesti. Memleket pen jekemenshiktiń áriptestigi arqyly paıdalanýǵa berilgen mektepke deıingi tárbıe mekemesi kenshiler qalasyndaǵy balabaqsha kezegin 20%-ǵa qysqartýǵa múmkindik berip otyr. Sonymen qatar, Rýdnyı qalasynyń turǵyndary úshin 56 jańa jumys orny ashyldy.
«Jyl saıyn oblysta áleýmettik jaýapkershiligi joǵary kásipkerler qatary kóbeıip kele jatyr. Memlekettik-jekemenshik áriptestik tetiginiń arqasynda «Elena D» JShS men onyń quryltaıshysy Ivan Vasılevıch Marar eski ǵımaratty qalpyna keltirip, sapaly materıaldyq-tehnıkalyq qurylǵy-jabdyqtarmen qamtamasyz etti» - dedi A.Muhambetov.
Investor ákimge jeke bıznesin qoldap, memlekettik-jekemenshik áriptestikti damytý baǵdarlamasyna qatysýǵa múmkindik jasaǵany úshin alǵys bildirdi.
Jańa balabaqshanyń ashylǵanyna ata-analar da qýanyshty.
«Balabaqshanyń úıdiń janynda ornalasqany óte yńǵaıly. Biz muny asyǵa kúttik, balalarymyzdyń tárbıeli, baqytty, deni saý, bilimdi bolyp óskenin kórgimiz keledi» - dedi 5 jasar Taımýrazdyń anasy Rysty Kerembaeva.
Jańa balabaqshada memlekettik tapsyrys boıynsha 265 bala tárbıe alady. Balabaqsha jumysyn memloeket qarjylandyrady, al ata-analar tek balalardyń tamaǵyna aıyna 12 260 teńge tóleıtin bolady. qtanýy úshin ǵana tóleıtin bolady
Rýdnyı qalasynda búginde 20 balabaqsha jumys istep tur. Sondaı-aq, 3,7 myńnan astam balany qamtıtyn 16 shaǵyn ortalyq bar.
Bıyl oblysta mektepke deıingi bilim berý mekemelerin damytýǵa kóp kóńil bólinýde. Máselen, jeltoqsan kirgeli óńirde úsh birdeı balabaqsha ashyldy. Bıyl Rýdnyı men Qostanaı qalasynda, sondaı-aq Qostanaı jáne B. Maılın aýdandarynda 7 jekemenshik balabaqsha, 6 shaǵyn ortalyq paıdalanýǵa berildi. Nátıjesinde bıyl óńirde 1 jarym myńǵa jýyq baldyrǵan balabaqshaǵa ornalasty.
«Aldaǵy jyly Qostanaıdaǵy jańa shaǵyn aýdandarda árqaısysy 280 oryndyq 5 balabaqshanyń qurylysy bastalady. Sonymen qatar, Qostanaı qalasynda burynǵy balabaqsha ǵımaratyn kúrdeli jóndeýden ótkizip, Jitiqara jáne Naýyrzym aýdandarynda balabaqsha salý josparda bar. Qazir oblys turǵyndary «INDIGO» portalyndaǵy avtomattandyrylǵan memlekettik qyzmetti paıdalana otyryp, balalaryn úıden shyqpaı-aq balabaqshaǵa ornalastyra alady», dedi oblystyq bilim basqarmasynyń basshysy Záýre Baımenova.
